पूर्वसभामुख महराको थुनछेक बहस आज

१५ कार्तिक २०७६, शुक्रबार ११:५४

काठमाडौं \ बलात्कार प्रयासको आरोपमा पक्राउ परेका पूर्वसभामुख कृष्णबहादुर महराको थुनछेक बहस आज हुने भएको छ। जिल्ला सरकारी वकिलको कार्यालय काठमाडौंले बिहीबार जिल्ला अदालत काठमाडौंमा जबरजस्ती करणी उद्योगअन्तर्गत मुद्दा दर्ता गरेपछि आज थुनछेक बहस हुन लागेको हो। थुनछेक बहसमा आज महरा पक्षका वकिलहरुले बहस गर्नेछन् भने विपक्षमा सरकारी वकिलहरुले बहस गर्नेछन्।

त्यसअघि न्यायाधीशसमक्ष महराको बयान हुनेछ। महराको मुद्दा काठमाडौं जिल्ला न्यायाधीश सुदर्शनराज पाण्डेको इजलासमा परेको छ। गोलाप्रथाद्वारा महराको मुद्दा न्यायाधीश पाण्डेको इजलासमा परेको अदालत स्रोतले जानकारी दिएको छ। पाण्डे काठमाडौं जिल्ला अदालतका १ नम्बर न्यायाधीश हुन्।

थुनछेक बहस भएपछि अदालतले महरालाई साधारण तारेख वा धरौटीमा रिहा गर्ने वा पूर्पक्षका लागि थुनामा पठाउने भन्ने आदेश दिनेछ। महरालाई मुलुकी अपराध संहितअन्तर्गत जबरजस्ती करणी उद्योग र सार्वजनिक पदमा बसेको व्यक्तिले आफ्नै सहकर्मी कर्मचारीमाथि बलात्कार प्रयास गरेकाले थप गरी साढे ७ वर्षसम्म जेल सजायको माग गरिएको छ।

यसमा तपाइको मत

Your email address will not be published. Required fields are marked *


*