बागमती गोल्डकप शनिबारबाट सुरु, यस्तो छ खेल तालिका

१ फाल्गुन २०७६, बिहीबार १५:१५

सिधाखबर \ पुर्वी मकवानपुुरको बागमती गाउँपालिकामा हुने तेस्रो बागमती गोल्ड कप फुटबलको खेल तालिका सार्वजनिक गरेको छ । बागमती खेलकुद विकास समितिले खेलतालिका सार्वजनिक गरेको हो । खेलतालिका अनुसार उद्घाटन खेलमा आयोजक फापरबारी र बागमती युवा क्लव सर्लाहीसँग प्रतिस्पर्धा गर्ने छ । खेल फाल्गुन ३ गते शनिबारबाट हुनेछ । त्यस्तै, दोस्रो खेलमा फाल्गुन ४ गते न्यू डाँफे युवा क्लव र नवजागृति युवा क्लवसंग प्रतिस्पर्धा गर्नेछ ।

प्रतियोगितामा दश टिमको सहभागिता रहेको छ । प्रतियोगितामा ए डिभिजनका जावलाखेल युथ क्लब, संकटा युथ क्लब, हिमालयन शेर्पा, च्यासल युथ क्लब र साविक विजेता सरस्वती युवा क्लब खेल्ने संयोजक अरुण बलले जानकारी दिनुभयो । त्यस्तै मोफसलका मकवानपुर जिल्ला लिग विजेता न्यू डाँफे युवा क्लब, सिमराको नव जनजागृती, सर्लाहीको बागमती युवा क्लब, बीरगञ्ज यूनाइटेड र आयोजक टिमले प्रतिस्पर्धा गर्ने छन् ।

प्रतियोगिता फाल्गुन १२ गतेसम्म चल्ने खेल बागमती खेलकुद विकास समितिको आयोजना र बागमती गाउँपालिका मकवानपुरकोे प्रायोजनमा प्रतियोगितामा हुन लागेको हो । गोल्डकपमा एकैसाथ प्याराफिट र खुल्ला स्थानमा बसेर ७ हजार दर्शकले खेल हेर्न सकिने आयोजकले जनाएको छ ।

गोेल्डकपको विजेताले ६ लाख नगद, शिल्ड र मेडल पाउने छन् । उपविजेतले ३ लाख हात पर्नेछन् । सर्वोत्कृष्ट खेलाडीले ५० हजार नगद पाउने छन् । उत्कृष्ट गोलरक्षक, फरवार्ड, मिडफिल्डर, डिफेन्डर र प्रशिक्षकले जनही १० हजार प्राप्त गर्ने जनाइएको छ । प्रत्येक खेलका म्यान अफ दी म्याच हुने खेलाडीलाई ५ हजार नगद पाउनेछन । प्रतियोगिताको उद्घाटन माननीय गृहमन्त्री रामबहादुर थापा (बादल) गर्ने आयोजकले जनाएको छ ।

यसमा तपाइको मत

Your email address will not be published. Required fields are marked *


*