• २०७७ फाल्गुण २२, शनिबार
  • मिस एण्ड मिसेस ब्युटीफुल नेपाल छानिने

    १० फाल्गुन २०७७, सोमबार ०९:४४

    काठमाडौँ \ दक्ष इन्टरटेनमेन्ट प्रालिले हरेक वर्षझैं यस वर्ष पनि अविवाहित र विवाहित महिलाहरुका लागि एकै मञ्चमा दुई सौन्दर्य प्रतियोगिता आयोजना गर्ने भएको छ । इन्टरटेनमेन्टले यहि फागुन १५ गते राजधानीमा मिस ब्युटीफुल नेपाल र मिसेस ब्युटीफुल नेपाल २०२१ आयोजना गर्न लागेको हो । अविवाहित युवतीहरुबीच हुने स्पर्धा हुने ‘मिस ब्युटीफुल नेपाल २०२१’मा राजधानीका विभिन्न स्थानमा बसोवास गर्दै आएका १३ युवतीबीच अन्तिम स्पर्धा हुनेछ ।

    त्यसैगरी ‘मिसेस ब्युटीफुुल नेपाल २०२१’ मा विभिन्न पेशा र गृहिणी जीवन बिताइरहेका १२ जना विवाहित महिला बीच भिड्न लागेको आयोजक संस्थाका अध्यक्ष टेकराज पाण्डेले जानकारी गराए । उनकाअनुसार विभिन्न विषयको तालिम र प्रशिक्षणपश्चात पूजा नाथ पूर्णिमा क्षत्री, गीता गुरुङ, सोनिया शाही, अनिता तामाङ, सुष्मिता देव, उषा पौडेल, प्रतिक्षा अधिकारी, मनिषा यादव थापा, रुपान्सा महतो, गीता उप्रेती, विजया रञ्जित र सविना खुलाल छैठौं संस्करणको मिस ब्युटीफुल नेपाल २०२१ प्रतियोगितामा भिड्न तयार भएका छन् ।

    त्यसैगरी पाँचौ संस्करणको मिसेस व्युटीफुुल नेपाल २०२१ मा मञ्जु अधिकारी, आरती भण्डारी सापकोटा, झुमादेवी ओली (नीलम), विनिता देउला, सुशीला श्रेष्ठ, पवित्रा बञ्जारा, मीना महर्जन, सरु थापा, अञ्जु न्यौपाने, सिर्जना रुपाखेती पाण्डे, रोचना राजोपाध्याय र उमा खड्काले अन्तिम स्पर्धा गर्दैछन् ।

    प्रतियोगिताको अन्तिम स्पर्धा नजिकिँदै गर्दा मिस ट्यालेन्ट ब्युटीफुल र मिसेस ट्यालेन्ट व्युटीफुल उपउपाधिका लागि दुबै प्रतियोगिताका प्रतियोगीहरुले आयोजकद्वारा राजधानीमा आयोजना गरेका ट्यालेन्ट शोमा आफुमा अन्तरनिहित प्रतिभा प्रदर्शन गरेका छन् ।

    दुबै प्रतियोगितका प्रतियोगीहरुले गीत संगीत, नृत्य, अभिनय, चित्रकला, वाककलाजस्ता आप्mना प्रतिभा प्रदर्शन गरेर निर्णायकको मन जित्ने कोसिस गरेका थिए ।  ट्यालेन्ट शोका लागि कोरियोग्राफर, फिल्म निर्माता तथा निर्देशक राजु शाह प्रमुख निर्णायक तथा अभिनेत्री रश्मी भट्ट, गायक साुन थापा, गायिका तथा सञ्चारकर्मी सरिता भारती, गीतकार अशोक तामाङ र सञ्चारकर्मी अरुणा श्रेष्ठ निर्णायक रहेका थिए ।

    यसमा तपाइको मत

    Your email address will not be published. Required fields are marked *


    *