नवजीवन ज्योति क्लबको बिशेष साधारण सभा सम्पन्न

समाचार

गृहपृष्ठ
समाचार

नवजीवन ज्योति क्लबको बिशेष साधारण सभा सम्पन्न

सिधाखबर शनिबार, पुस १६, २०७९

हेटौडा \ हेटौडा ६ चौघडामा रहेको नवजीवन ज्योति क्लबको बिशेष साधारण सभा शनिबार सम्पन्न भएको छ । १८ वर्ष पछि क्लबले विशेष साधारणसभा गर्दै नयाँ समिति समेत चयन गरेको छ । क्लबका अध्यक्ष श्रीराम पुडासैनीले विकशित प्रविधिको प्रयोगपछि क्लबप्रति कसैको चासो नदेखिएको र गत्तिविधिहरु पनि गर्न नसकिएको बताउनुभयो । क्लबप्रति सदस्य तथा अन्य पदाधिकारीहरुले चासो नराख्दा क्लबको अवस्था सुनसान भएको उनले बताए ।

समय दिन सकने र खटन सक्ने नेतृत्व आउन सके क्लबले नयाँ जिवन पाउने उनले बताए । क्लबको खातामा ६ लाख रुपैया रहेको बताउँदै सडक विस्तारमा क्लबको भवन भत्काउदा आएको फलामका सामानहरुको रकम १ लाख ९२ हजार उठ्न बाँकी रहेको समेत उनले बताए ।

हेटौडा उपमहानगरपालीका ६ नम्बर वडा अध्यक्ष विष्णु दाहालको प्रमुख आतिथ्यतामा भएको कार्यक्रममा क्लबका पुर्व अध्यक्षहरु श्याम प्रसाद श्रेष्ठ,विजय कुमार श्रेष्ठ, गणेश कुमार श्रेष्ठ लगाएत विभिन्न राजनितिक दलका वडा अध्यक्षहरुको समेत सहभागीता रहेको थियो ।

विशेष साधारण सभालाई संबोधन गर्दै प्रमुख अतिथि दाहालले वीस वर्ष पहिला क्लबले देशमै नमुना कार्यहरु गरेर तत्कालीन राजा विरेन्द्रको हातबाट उत्कृष्ट पुरस्कार पाएको क्लबले आज यो दुराअवस्थामा आउनु दुखद् रहेको बताउनु भयो । अब क्लबलाई पुर्नजागरण बनाई विभिन्न गत्तिविधिहरु गरेर फेरी पनि नमुना क्लबको रुपमा स्थापित गर्न सबैमा आग्रह गर्नु भयो ।

वडास्तरबाट क्लबको गतिविधिहरु गर्न खेल्नुपर्ने भुमिकाका लागी आफु तयार रहेको बताउदै सामाजिक कार्यमा क्लबको अग्रसरताजगाउन नयाँ नेतृत्वलाई आव्हान समेत गर्नु भयो । विशेष साधारण सभाले राजकुमार बास्तोलाको अध्यक्षतामा १३ सदस्यीय नयाँ कार्यसमिति समेत चयन गरेको छ ।

प्रकाशित मिति: शनिबार, पुस १६, २०७९ १२:०८

प्रतिक्रिया दिनुहोस्