हेटौंडा १३ ठुलोथलीमा माघ २५ गते लोछार सांस्कृतिक कार्यक्रम हुने

समाचार

गृहपृष्ठ
समाचार

हेटौंडा १३ ठुलोथलीमा माघ २५ गते लोछार सांस्कृतिक कार्यक्रम हुने

सिधाखबर शनिबार, माघ ७, २०७९

हेटौंडा १३ ठुलोथली ल्होछार सांस्कृतिक कार्यक्रम मुल समारोह समितिले आगामी माघ २५ गते विशेष सांस्कृतिक कार्यक्रम गर्ने भएको छ । समितिले शनिबार हेटौडामा पत्रकार सम्मेलन गरेर हेटौंडा १३ ठुलोथलीमा ४ औ पटक यो कार्यक्रम सम्पन्न गरीसकेको र ५ औ पटकको २८५९ औ सोनाम ल्होछार कार्यक्रमको तयारी तीव्र भइरहेको जनाएको छ । कार्यक्रमका मुल संयोजक संगीता वाईवाले कार्यक्रम भव्य र सव्य रुपमा सम्पन्न गर्न विभिन्न समितिहरु बनाएर अगाडी बढेको बताउनु भयो ।

कलाकार व्यवस्थापन संयोजकमा वुद्धी गोले,आर्थिक व्यवस्थापन संयोजकमा ध्यान बहादुर दोङ, स्वयमसेवक व्यवस्थापन संयोजकमा जनक गोले, बत्ती व्यवस्थापन संयोजकमा शंकर मोक्तान, पार्किङ व्यवस्थापन संयोजकमा प्रकाश दोङ,स्टल व्यवस्थापन संयोजकमा मदन कुमार बल रहेको उहाँले बताउनु भयो । सांस्कृतिक कार्यक्रममा नेपालका चर्चीत रास्ट्रिय स्तरका कलाकारहरु प्रेम लोप्चन, जितु लोप्चन, प्रकाश तामाङ तितुङ, हेरुका लामा लगाएतका कलाकारहरुले प्रस्तुती दिने संयोजक वाईवाले बताउनु भयो ।

कार्यक्रममा करीब ४ लाख रुपैयाँ खर्च हुने अनुमान गरीएको छ भने २ हजार दर्शकहरुले सहभागीता जनाउने अनुमान आयोजकले गरेको छ । विभिन्न संघ संस्था,समाज सेवी तथा आयोजक आफैले सहयोग गरेर कार्यक्रम गरीने जनाएको छ । सबैको आफ्नो आफ्नो पहिचान हुन्छ यही पहिचान जोगाई राख्न कार्यक्रमको आयोजना गरीएको वाईवाले बताउनु भयो । अपरान्ह ३ बजेदेखी आयोजना हुने कार्यक्रममा निशुल्क प्रवेश रहेकोले सहभागी हुन दर्शकहरुलाई आयोजकले आव्हान गरेको छ ।

प्रकाशित मिति: शनिबार, माघ ७, २०७९ १२:४२

#हेटौंडा १३ ठुलोथली

प्रतिक्रिया दिनुहोस्