आमाको सम्झनामा विगत १५ वर्षदेखी एक लाख राशीको पुरस्कार

समाचार

गृहपृष्ठ
समाचार

आमाको सम्झनामा विगत १५ वर्षदेखी एक लाख राशीको पुरस्कार

सिधाखबर शनिबार, माघ १४, २०७९

वरिष्ठ कलासाधक भीम विरागको ८९ औ जन्म जयन्तीका अवसरमा आईतबार १४ औं विजुलीमाया वनः श्रेष्ठ अन्तर्राष्ट्रिय सङ्गीत पुरस्कार २०७९ प्रदान गरीने भएको छ । समाजसेवी व्यवसायी कन्ह्नैया श्रेष्ठले आफनी आमा विजुलीमाया वनः श्रेष्ठको सम्झनामा विगत १५ वर्षदेखी यो पुरस्कार प्रायोजन गर्दै आउनु भएको छ ।

आफ्नी आमा विजुलीमाया र वरिष्ठ कलासाधक भीम विरागलाई जिवन्त राख्न आफुले यो पुरस्कार स्थापना गरेर प्रायोजन गर्दै आएको व्यवसायी श्रेष्ठले बताउनु भयो । यो कार्यक्रमको सम्पुर्ण खर्च व्यवसायी श्रेष्ठलेनै प्रायोजन गर्दै आएकाछन । यो पुरस्कारलाई भीम विराग सङ्गीत साहित्य कला प्रतिष्ठान नेपालको आयोजनामा हरेक वर्ष वरिष्ठ संगीतकर्मीलाई प्रदान गरीदै आएको छ ।

यस वर्ष नेपाली साङ्गीतिक क्षेत्रका राष्ट्रिय तथा अन्तर्राष्ट्रिय रुपमा ख्यातिप्राप्त वरिष्ठ कलासाधक डा. किरण प्रधानलाई समर्पण एवम् सम्मान गरिने भएको छ । प्रधानलाई नगद एक लाख राशी सहित १४ औं विजुलीमाया वनः श्रेष्ठ अन्तर्राष्ट्रिय सङ्गीत पुरस्कार २०७९ प्रदान गरीने भएको हो ।

पुरस्कार प्रदान संगै विशेष सांगितिक कार्यक्रम समेत रहेको भीम विराग सङ्गीत साहित्य कला प्रतिष्ठान नेपाल मकवानपुरका अध्यक्ष ह्यग्रीव आचार्यले बताउनु भयो । मोटल एभाकाडोमा बिहान साढे एघार बजेदेखी आयोजना हुने कार्यक्रम्मा प्रवेश निशुल्क रहेको अध्यक्ष आचार्यले बताउनु भयो । अध्यक्ष आचार्यले संगीतप्रेमी दर्शकश्रोताहरुमा सहभागीताको लागी हार्दिक अनुरोध समेत गर्नु भएको छ ।

प्रकाशित मिति: शनिबार, माघ १४, २०७९ १८:४९

#भीम विराग

प्रतिक्रिया दिनुहोस्