बेल्जियममा मियाँ दाईको व्यवसायिक सफलता

समाचार

गृहपृष्ठ
समाचार

बेल्जियममा मियाँ दाईको व्यवसायिक सफलता

मणिराज गौतम शनिबार, फागुन २०, २०७९

बेल्जियम \ दमौलीका अहमद मियाँ नेपालमा फेन्सी व्यवसायी थिए । व्यवसायमा मन्दि आएपछि केही वर्ष अरवतिर लागेका मियाँलाई अरव मन परेन । उनी पुनस् नेपाल फर्केर पुरानै व्यवसायतिर लाग्न थाले । विदेश बसेको बानीले मियाँलाई नेपालको कमाई खासै राम्रो लागेन । उनले अन्ततस् युरोप आउने सपना बनाए । एजेन्ट मार्फत पैसा खर्च गरेर युरोप पसेका मियाँ पछिल्लो तीस वर्ष देखी बेल्जियमको गेन्ट शहरमा बस्दै आएका छन । बेल्जियम आएपछि जागिर गर्दै भाषा सिक्दै व्यवसाय तर्फ होमिएका उनी बेल्जियमको ब्लान्केन्बर्ग भन्ने ठाँउमा व्यवसाय गर्दै आएका छन् ।

१९९१ मा बेल्जियम आएका मियाँ बेल्जियमको ब्लान्केन्बर्गको सिसाईड भन्ने ठाँउमा वीस वर्ष देखी फेन्सी व्यवसाय गर्दै आएका छन् । मियाँ पैसा कमाउने उद्देश्य बोकेर युरोप आएका थिए । केही समय पैसा कमाएर आफनै देश नेपाल फर्केने सोच बोकेर आए पनि यहाँको सिष्टम र सेवा सुविधाले यतै तानेको उनको भनाई छ ।

विदेशमा सबैभन्दा पहिला भाषा समस्या रहेको बताउदै मियाँ देश छाडेपछि पाएको समस्याका बारेमा भनेरै नसकिने दुखेसो गर्छन । एजेन्टले धेरै पैसा कमाउन सकिन्छ भन्ने कुरा सुनेर आएपनि भनेजस्तो सजिलो विदेशमा नहुने उनको अनुभव छ । मियाँलाई व्यवसाय क्षेत्रमा कमाएको पैसाबाट छोराछोरीलाई अध्ययन संगै पालनपोषणमा समेत सहयोग पुगेको छ । अहिले आफु मात्र होईन मियाँका छोराछोरी पनि व्यवसायमै लागीरहेका छन् । मनले नेपाल जाने ईच्छा रहेपनि यहाँको सुखमय लोभमा फसेको उनी बताउछन ।

पछिल्लो समय नेपाल सरकारले गैर आवासीय नेपालीहरु प्रति उदासिन भावना देखा पारेको बताउदै मियाँले एक चोटीको नेपाली सधै नेपाली भन्ने नारा लागु गर्न र नेपाल सरकारले त्यो भावना देखाउन आग्रह गरेका छन । गैर आवासीय नेपालीहरुलाई परेको अप्ठयारोहरु हटाएर उनीहरुलाई पनि सम्बोधन गर्नुपनमा जोड दिदै उनले नेपालमा सिस्टमहरु बनाउन सके नेपाल पनि विदेश जस्तै बन्न सक्ने बताउछन । नेपालमा मौलाएको भ्रष्टचारले देश विकाश नभएको उनको बुझाई छ ।

नेपालमा शिक्षा स्वास्थ्य र रोजगारीको ग्यारेन्टी नभएका कारण नेपालीहरु विदेशीएको बताउदै मियाँ भन्छन यी आधारभुत आवश्यक्ताहरु नेपालमा हुने हो भने कोही नेपालीहरु पनि विदेश पलाएन हुदैनन् । उनी गैरआवासीय नेपाली संघ बेल्जियममा समेत आवद्ध रही सामाजिक कार्यमा उतिकै सकृय छन् । उनी नेपाली मुस्लिम सोसाईटी बेल्जियको संस्थापक अध्यक्ष रहेर पनि धेरै सामाजिक काम गरेको बताउछन । मियाँका तीन छोरा र दुई छोरी अनि श्रीमतीको साथमा बेल्जियम बस्दै आएकाछन । उनले यही व्यवसायबाट कमाएको पैसाले छोरीलाई वकिल र छोराहरुलाई व्यवसायमै लगाउन सफल भएका छन् ।

प्रकाशित मिति: शनिबार, फागुन २०, २०७९ २३:५६

प्रतिक्रिया दिनुहोस्