नौ करोड ४२ लाख खर्च गर्दै प्रदेश खेलकुदको तयारी

बागमती प्रदेश

गृहपृष्ठ
बागमती प्रदेश

दोस्रो प्रदेश खेलकुद–२०८० नौ करोड ४२ लाख खर्च गर्दै प्रदेश खेलकुदको तयारी

सिधाखबर मंगलबार, जेठ २, २०८०

हेटौंडा \ बागमती प्रदेश सरकारको नौ करोड ४२ लाख रुपैयाँ खर्च गरेर दोस्रो बागमती प्रदेश खेलकुद–२०८० गर्ने भएको छ । मंगलबार हेटौंडामा बागमती प्रदेशका सामाजिक विकास मन्त्री कुमारी मुक्तानको उपस्थितीमा पत्रकार सम्मेलन गर्दै आयोजक प्रदेश खेलकुद विकास परिषद् बागमती प्रदेशले दोस्रो प्रदेश खेलकुद–२०८० मा ९ करोड ४२ लाख खर्च हुने परिषदका सदस्य सचिव सुर्यलाल भण्डारीले बताए ।

उनले जेष्ठ ७ गतेबाट खेलकुदको सुरुवात हुने जनाइएको छ । प्रतियोगिताको उद्घाटन प्रदेशका मुख्यमन्त्री शालिकराम जम्कट्टेलले हेटौंडाको क्याम्पाडाँडामा गरिने जनाइएको छ । खेलकुदमा विभिन्न १३ विधाका खेलहरु फुटबल, भलिबल, एथलेटिक्स, तेक्वान्दो, करातेँ, बक्सिङ, उसु, जुडो, क्रिकेट, रग्वी, व्याडमिन्टन, पौडी र आइटिएफ तेक्वान्दो प्रतियोगिता हुने भण्डारीले बताए ।

खेलकुदका अधिकांश खेलहरु हेटौंडामा गरिने र केही खेलहरु चितवन र काठमाडौंमा गरिने परिषद्का सदस्य सचिव भण्डारीले बताए । प्रतियोगितामा विभिन्न विधाका एक हजार ७५ जना महिला खेलाडी र एक हजार ४२७ पुरुष खेलाडीले प्रतिस्पर्धा गर्नेछन् भने १७३ जना प्रशिक्षक, १४२ जना व्यवस्थापक र २७६ जना निर्णायकहरुको सहभागिता रहने आयोजकले जनाएको छ ।

प्रकाशित मिति: मंगलबार, जेठ २, २०८० १५:४६

प्रतिक्रिया दिनुहोस्