जानेका सीपहरु बाहिर ल्याउन नसक्दा महिलाहरु पछाडी परे : मन्त्री कुमारी मोक्तान

समाचार

गृहपृष्ठ
समाचार

उद्यमशिलता विकास जानेका सीपहरु बाहिर ल्याउन नसक्दा महिलाहरु पछाडी परे : मन्त्री कुमारी मोक्तान

सिधाखबर शुक्रबार, जेठ ५, २०८०

हेटौडा \ गत मंगलबार देखी हेटौडामा सुरु भएको चार दिने बलियो महिला तथा उद्यमशिलता विकास तालिम समापन भएको छ । तालीमको समापन समारोहलाई सम्बोधन गर्दै बागमती प्रदेशका सामाजीक बिकाश मन्त्री कुमारी मोक्तानले तालीम सिकेर आय आर्जनमा लाग्न महिला दिदिबहिनीहरुमा आग्रह गर्नु भयो ।

पौष्टिक आहाराले महिलाहरुलाई स्वास्थ्य राख्नका साथै क्षमता विकासमा टेवा पुग्ने हुदाँ पौष्टिक आहारमा ध्यान दिन समेत उहाँले आग्रह गर्नु भयो । उहाँले महिलाहरुले जानेका सीपहरु बाहिर ल्याउन नसक्दा पनि पछाडी परेको बताउनु भयो ।

कार्यक्रममा बलियो नेपालका कार्यकारी अधिकृत डा.अतुल उपाध्यायले अब यस्ता प्रशिक्षण गाँउगाँउमा लैजाने बताउनु भयो। आम नागरिकमा जनचेतना अभिवृद्धिका साथै महिला उद्यमशिलताका प्रशिक्षणहरुले बालबालिकाहरुलाई कुपोषणबाट बचाउन सहयोग पुग्ने हुँदा ग्रामिण भेगका महिलाहरुलाई समेटदै सचेतना फैलाउने बताउनु भयो । कार्यक्रममा माधव राज सुमागी स्मृति कोषकी उपाध्यक्ष अस्मिता सुमार्गीले महिलाहरुलाई सक्षम बनाउन अब गाँउगाँउमा यो प्रशिक्षण लैजाने बताउनु भयो ।

No description available.

उहाँले महिलाहरुलाई उद्यमशीलता बनाउन बैंक तथा बीमा संस्थाबाट ऋण उपलब्ध गराउन भूमिका खेल्ने समेत बताउनु भयो । नार्कका वरिष्ठ वैज्ञानिक डा. रोमन कार्की, खाध्य प्रबिधि प्रमुख डा.क्षीतीज श्रेष्ठ लगाएतको सहभागीता रहेको थियो । कार्यक्रममा सहभागीहरुलाई प्रमाणपत्र तथा कार्यक्रममा सहयोग गर्ने संघसंस्थाहरुलाई धन्यबाद पत्र बितरण गरीएको थियो ।

प्रकाशित मिति: शुक्रबार, जेठ ५, २०८० १०:४६

#बलियो महिला तथा उद्यमशिलता

प्रतिक्रिया दिनुहोस्