उच्च अदालत पाटन हेटौंडाले लक्ष्य भन्दा बढी मुद्दा फछर्यौट

मकवानपुर

गृहपृष्ठ
मकवानपुर

उच्च अदालत पाटन हेटौंडाले लक्ष्य भन्दा बढी मुद्दा फछर्यौट

सिधाखबर शुक्रबार, असार ३१, २०७९

सिधाखबर \ उच्च अदालत पाटन हेटौंडा इजलासले लक्ष्यभन्दा बढी मुद्दा फछर्यौट गरेको छ । आव २०७८\०७९का अनुमानित वार्षिक फछर्यौट लक्ष्य १ हजार १९४ रहेका र फछर्यौट १२८४ भएको अदालतका रजिष्ट्रार जगदिश प्रसाद भट्टले बताए ।

शुक्रबार पत्रकारहरुसँगको भेटघाटमा उनले नयाँ दर्ता अनुमान ११४९ रहेको र लक्ष्य पुग्न बाकीँ ९० थान रहेको बताए । उनले अंग नपुगेका मुद्दाहरु फछर्यौट गर्न नसकिएको बताउदैं गोलाप्रथा माघ २ गतेबाट सुरु गरि कुन मुद्दा कसले हर्ने भन्ने सहज भएर पनि होला हामी लक्ष्यमा पुग्न सफल भएको बताए ।

कार्यक्रममा न्यायधिश अब्दुल अजिज मुसलमानले जुनसुकै बेलामा मुद्दाको विषयमा प्रवक्ता सँग जानकारी लिन पत्रकारलाई आग्रह गर्दै अदालतको सबै फैसला सार्वजानिक गर्ने गरेको बताए । उनले गोलाप्रथा लागु भएपछि न्यायधिश १० बजे आउने र ११ बजेनै बेन्च बस्ने गर्ने गरेको बताए । जसकाकारण लक्ष्यभन्दा बढी मुद्दा फैसला गर्न सफल भएको बताए । उनले स्टेजहोल्डरका कारणले केहि मुद्दाहरु फैसला हुन ढिला हुने गरेको बताएका थिए ।

कार्यक्रममा न्यायधिश मेरिना श्रेष्ठ, निर्मला शाक्य, रजिष्ट्रार भट्ट, नेपाल पत्रकार महासंघ बागमती प्रदेशका निवर्तमान अध्यक्ष प्रताप विष्ट, जिल्ला अध्यक्ष मणिराज गौतम लगायत मकवानपुरका सञ्चारकर्मीहरुको उपस्थिती रहेको थियो ।

आव २०७६\०७७मा लगत १०७२ र फछर्यौट ६६४ रहेको थियो भने बाकीँ ४०८ थान मुद्दा रहेको थियो । त्यस्तै, आव २०७७\०७८ मा लगत १४४५ र फछर्यौट ८२६ हुनका साथै ६१९ थान बाकीँ मुद्दा रहेको रजिष्ट्रार भट्टले बताए ।

प्रकाशित मिति: शुक्रबार, असार ३१, २०७९ १६:३२