जिससको आठौं सभामा सहभागिता फितलो किन ?

मकवानपुर

गृहपृष्ठ
मकवानपुर

जिसस सभा जिससको आठौं सभामा सहभागिता फितलो किन ?

सिधाखबर बुधबार, साउन २५, २०७९

सभामा मुख्यमन्त्री सहितका सहभागीहरु

हेटौंडा \ जिल्ला समन्वय समिति मकवानपुरको आठौं जिल्ला सभामा सहभागिता निकै फितलो पाइएको छ । बुधबार विहान ११ बजे बोलाईएको आठौं सभा करिब एक घण्टापछि सुरु भएपनि स्थानीय तहका प्रमुख उपप्रमुखको सहभागिता उल्लेख्य थिएन् ।

बागमती प्रदेश सरकारका मुख्यमन्त्री राजेन्द्र प्रसाद पाण्डेको प्रमुख आतिथ्यतामा आयोजित सभामा उद्घाटन समय सम्म पनि स्थानीय तहका प्रमुख उपप्रमुखको उपस्थितीमा फितलो हुनुलाई जिससप्रति चासो चिन्ता नभएको बुझ्न सकिन्छ ।

सरोकारवालाहरुकै अनुउपस्थितीले सभामा राखिएका कुर्सीहरु धेरै खाली देखिएका थिए । जिल्लाका राजनितिक दलका प्रमुख तथा अन्य संघसंस्थाका प्रमुखहरुको सहभागिता निकै कम देखिएको थियो । साधारणतय उद्घाटन अघि सभा हलमा सरोकारवालाहरु आइसक्नुपर्ने हुन्छ तर बुधबारको सभामा राखिएका कुर्सीहरु भरिभराउ नहुदाँ सभा फितलो भएको एक सहभागिले बताए ।

जिसस प्रमुख ललित बहादुर घलानले सभामा आव २०७९/०८० को वार्षिक बजेट तथा कार्यक्रम प्रस्तुत गरेका थिए । उनले ११ करोड ४६ लाख ५ हजार ४७९ रुपैयाँको बजेट पेश गरेका थिए । बजेट प्रस्तुत गर्ने सभामा स्थानीय तहका प्रमुख उपप्रमुख समयमै उपस्थिती नहुनु प्रतिनिधिहरुले जिसस प्रति चासो नदिएको जस्तो भान भएको एक सहभागिले बताए ।

सभालाई जिसस सदस्य सुमिरा थिङले स्वागत भनाइ राखेका थिए । सभामा प्रदेश सभा सदस्य प्रेम पुलामी मगर, मुनु सिग्देल, पुर्व जिसस प्रमुख रघुनाथ खुलाल, उपप्रमुख भगवती पुडासैनी, प्रमुख जिल्ला अधिकारी राजेन्द्रदेव पाण्डे लगायतको स्थानीय तहका केही प्रमुख उपप्रमुख, जिसस सदस्यहरुको उपस्थिती रहेको थियो ।

प्रकाशित मिति: बुधबार, साउन २५, २०७९ १२:४५

प्रतिक्रिया दिनुहोस्