दोश्रो विजय युथ गोल्डकप उपाधी आयोजकलाई

समाचार

गृहपृष्ठ
समाचार

दोश्रो विजय युथ गोल्डकप उपाधी आयोजकलाई

सिधाखबर शुक्रबार, असार १५, २०८०

फोटो : बिक्रम बानियाँ

दोश्रो विजय युथ गोल्डकप खुला नकआउट फुटबल प्रतियोगिताको उपाधि आयोजक तथा साविक विजेता एफसी विजय युथ क्लबले जितेको छ । शुक्रबार भएको फाईनल खेलमा विजय युथले पदमपोखरी युनाइटेडलाई २–१ ले हराउँदै उपाधि जित्न सफल भएको हो । पिप्ले क्याम्पा रंगशालामा भएको खेलमा पदमपोखरी युनाइटेडका खेलाडी दिपेश आलेमगरले खेलको ४२ औं मिनटमा गोल गर्दै टिमलाई अगाडी बढाए पनि दोस्रो हाफको ३७ र ४४ औ मिनेटमा एफसी बिजय युथका खेलाडी हिसुब थपलियाले लगातार दुई गोल गर्दै उपाधि जिताउन सफल भएका थिए ।

फाइनल खेलमा निर्णायक गोलकर्ता बनेका हिसुब थपलिया म्यान अफ द म्याच घोषित भएका थिए । विजेता बनेको एफसी विजय युथले उपाधि सहित नगद २ लाख शिल्ड, ट्रफी, मेडल र प्रमाण पत्र प्राप्त गर्न सफल भएको थियो भने उपविजेता पदमपोखरी युनाइटेडले नगद १ लाख शिल्ड सहित ट्रफी, मेडल र प्रमाण पत्र प्राप्त गरेको थियो । व्यक्तिगत विधातर्फ फाइनलमा निर्णायक बनेका एफसी विजय युथका हिसुब थपलिया प्रतियोगिता कै सर्वोत्कृष्ट खेलाडी चुनिएका छन । उनले त्यसवापत नगद १० हजार र ५ लाख बराबरको जीवन बिमा प्राप्त गरका छन् ।

त्यस्तै उत्कृष्ट गोलरक्षक विजय युथका सुरज भ्लोन घोषित भए भने उत्कृष्ट डिफेन्डर पदमपोखरीका सुरज बिष्ट चुनिए । उत्कृष्ट मिडफिल्डर विजय युथका रुपेश केसी बन्दा उत्कृष्ट फरवार्ड पनि विजय युथ कै अजयी मार्टिन्स चुनिएका थिए । त्यसैगरी उत्कृष्ट प्रशिक्षक बिजय युथका ज्ञानु क्षेत्री घोषित भएका छन । विद्यागततर्फ उत्कृष्ट बनेका सबैले जनही ५–५ हजारसहित ट्रफी हात पारे ।

विजयी खेलाडीहरुलाई हेटौडा उपमहानगरपालिका वार्ड नम्बर ५ का अध्यक्ष सुशिल घिमिरे, मकवानपुर जिल्ला खेलकुद विकास समितिका अध्यक्ष भेष खड्गी लगाएतले पुरस्कार बितरण गर्दै बधाई दिएका थिए । विजय युथ क्लब हेटौडाको आयोजनामा गत असार ५ गतेदेखि शुरु भएको प्रतियोगितामा मकवानपुर जिल्लाका कुल १६ टोलीहरुले सहभागिता जनाएका थिए ।

प्रकाशित मिति: शुक्रबार, असार १५, २०८० २२:०४

#विजय युथ गोल्डकप

प्रतिक्रिया दिनुहोस्