राजकुमार न्यौपाने भए स्वतन्त्र पार्टीको जिल्ला अध्यक्ष

बागमती प्रदेश

गृहपृष्ठ
बागमती प्रदेश

राजकुमार न्यौपाने भए स्वतन्त्र पार्टीको जिल्ला अध्यक्ष

सिधाखबर शनिबार, साउन २८, २०७९

हेटौंडा \ चर्चित टेलिभिजन कार्यक्रम प्रस्तोता रवि लामिछाने नेतृत्वको राष्ट्रिय स्वतन्त्र पार्टीको हेटौंडामा भएको बागमती प्रदेश स्तरीय भेलाले बागमती प्रदेश र मकवानपुर सभापति चयन गरेको छ । बागमती प्रदेशको सभापतिमा काभ्रेका दीपक विश्वकर्मा र मकवानपुर जिल्ला सभापतिमा राजकुमार न्यौपाने चयन भएका छन् ।

शुक्रबारको भेलाले प्रदेश सभापतिमा विश्कर्मा र मकवानपुर जिल्ला सभापतिमा न्यौपानेलाई चयन गरेको हो । भेलाले प्रदेश सदस्यहरुमा मकवानपुरका उत्सव अर्याल, श्यामसुन्दर कंडेल, विरेन्द्र थापा, सुरेश थापा, विक्रमकुमार लो सहित विभिन्न जिल्लाका देव विश्वकर्मा, कृष्णहरि पौडेल, सविना विक र सुरेन्द्र भट्टलाई चयन गरेको छ । पार्टीको बैठकले बाँकी पदको बाँडफाँट पछि गर्ने जनाएको छ ।

यस्तै यसअघि मकवानपुर उद्योग वाणिज्य संघको निर्वाचनताका तत्कालीन प्रधानमन्त्री एवम् नेकपा एमालेका अध्यक्ष केपी शर्मा ओलीबाट एमाले प्रवेश गरेका न्यौपाने स्वतन्त्र पार्टीको मकवानपुर सभापतिमा चयन भएका हुन् ।
हेटौंडामा भएको प्रदेशस्तरीय भेला आयोजनाका लागि न्यौपानेले नै तारतम्य मिलाएका थिए । जिल्ला कार्यसमितिको बार्की पदहरुमा भने टुङ्गो लगाउन रहेको छ जनाइएको छ ।

त्यस्तै लामो समय नेकपा माओवादी केन्द्रको राजनिति गरेका सन्तोष न्यौपाने भने हेटौंडा उपमहानगरको नगर अध्यक्ष चयन भएका छन् ।

प्रकाशित मिति: शनिबार, साउन २८, २०७९ ०९:५५

प्रतिक्रिया दिनुहोस्