अन्तर जेसीज फुटसलको उपाधि सौरहा जेसीजलाई

समाचार

गृहपृष्ठ
समाचार

फुटसल अन्तर जेसीज फुटसलको उपाधि सौरहा जेसीजलाई

सिधाखबर आइतबार, भदौ १७, २०८०

हेटौडा / मकवानपुरगढी गाउँपालिकालाई कार्यक्षेत्र बनाएर मकवानपुरगढी जेसीज (प्रस्तावित) को आयोजनामा भएको अन्तर जेसीस फुटसल प्रतियोगिताको उपाधि सौरहा जेसीजले हात पारेको छ । शनिबार सम्पन्न फाइनल प्रतियोगीतामा आयोजक मकवानपुरगढी जेसीज लाई ७–२ गोल अन्तरले पराजित गर्दै सौरहाले उपाधि हात पार्न सफल भएको प्रतियोगीताका संयोजक बिजय पुडासैनीले बताउनु भयो । सौरहा जेसीसले उपाधिसँगै नगद एक लाख रुपैयाँ पनि प्राप्त गरेको छ । यस्तै, उपविजेता भएको आयोजक शाखाले ५० हजार रुपैयाँ हात पार्न सफल भएको छ ।

प्रतियोगीताको फाईनल खेलमा सौरहाको तर्फबाट असिम भट्टराईले ४ र शिखर लम्सालले ३ गोल गरेका थिए भने आयोजकको तर्फबाट विवश थिङले २ गोल गरेका थिए । सौरहाले पालुङ जेसीजलाई र मकवानपुरगढीले वीरगञ्जलाई हराउँदै उपाधिको लागि प्रतिस्पर्धा गरेको थियो । प्रतियोगितामा अनुशासित टिमको पुरस्कार सूर्योदय जेसीजले प्राप्त गर्दा विधागत उत्कृष्टको पुरस्कार विजेता सौरहाका खेलाडीले प्राप्त गरेको संयोजक पुडासैनीले बताउनु भयो । खेलमा उत्कृष्ट खेलाडी असिम भट्टराई, उत्कृष्ट गोलरक्षक सौगात रिजाल र सर्वाधिक गोलकर्ता शिखर लम्साल घोषित भएका थिए ।

उनीहरुले जनही नगद ५ हजार रुपैयाँसहित ट्रफी, मेडल र प्रमाणपत्र प्राप्त गरेका थिए । प्रतियोगिताको विजेता तथा सर्वोत्कृष्ट खेलाडीहरूलाई मकवानपुरगढी गाउँपालिकाका अध्यक्ष दोर्जे लामा स्याङ्तान, उपाध्यक्ष मानकुमारी नेपाली पाख्रीन,नेपाल जेसीजका निरुपित राष्ट्रिय उपाध्यक्ष सोनी श्रेष्ठ लगायतले पुरस्कार वितरण गरेका थिए । कार्यक्रम संयोजक विजय पुडासैनीले प्रतियोगितालाई सम्पन्न गर्नको लागि विभिन्न क्षेत्रबाट सहयोग पुर्याउने सबैलाई धन्यवाद दिँदै आगामी दिनमा पनि यस्ता कार्यक्रमहरुलाई निरन्तरता दिने बताएका थिए ।

प्रकाशित मिति: आइतबार, भदौ १७, २०८० १६:३६

#जेसीस फुटसल प्रतियोगिता

प्रतिक्रिया दिनुहोस्