प्रदेश तहको काम गर्न सहजका लागि अध्यादेश जारी : मन्त्री खनाल

बागमती प्रदेश

गृहपृष्ठ
बागमती प्रदेश

प्रदेश तहको काम गर्न सहजका लागि अध्यादेश जारी : मन्त्री खनाल

सिधाखबर बिहीबार, भदौ २, २०७९

हेटौंडा \ प्रदेश तहको कामकाजलाई अघि बढाउनको लागि सरकारले अध्यादेश जारी गरेको आन्तरिक मामिला तथा कानुन मन्त्री कृष्ण प्रसाद शर्मा खनालले बताएका छन् । प्रदेश तह अन्तरगत ४० प्रतिशत कर्मचारी अपुग रहेको उनले बताए ।

मन्त्रालयमा पत्रकार सम्मेलन गर्दै उनले ल्याईएको केही अध्यादेश समय अभावको कारण प्रतिस्थापन विधियेक मार्फत कानुन बनाउन नसकिएको भन्दै उनले सोही कारण अध्यादेश ल्याउनु परेको बताएका हुन् ।

प्रदेश सरकारले हालसम्म ५७ वटा ऐन बनाइसकेको र त्यसमा १४ वटा संसोधन भएको भन्दै हालसम्म सरकारले १० वटा अध्यादेश जारी गरेकोमा चारवटा प्रदेशसभाबाट प्रतिस्थापन भइसकेको बताए । प्रदेश सरकारबाट स्वीकृत भएका ३५ वटा कार्यविधि मध्ये ६ वटा संशोधन भइसकेको र चार वटा खारेज गरिएको समेत मन्त्री खनालले बताए ।

नयाँ संरचना चल्नको लागि केहि समय लाग्ने भन्दै उनले अहिले प्रदेश तह कानुन निर्माणको बाटोमा रहेको बताए । सय वर्षबाट संघीय सरकारको व्यवस्था हेरेको नागरिकहरुलाई प्रदेश तह नौलो लागेको भन्दै उनले प्रदेश तहले संघियताको मर्म अनुसारको काम विस्ताररै गतिदिने बताए ।

प्रदेश सरकारकाले हालसम्म संसोधन सहित १७३ वटा कानुन निर्माण गरेको उनको भनाई छ । उनले यस मन्त्रालय अन्तर्गत सुरक्षा निकाय, सञ्चार, विपद् व्यवस्थापनको क्षेत्र रहेको बताए ।

प्रकाशित मिति: बिहीबार, भदौ २, २०७९ १७:४७

प्रतिक्रिया दिनुहोस्