सहकारीद्धारा बाल दिवसमा छात्रवृति वितरण

समाचार

गृहपृष्ठ
समाचार

सहकारीद्धारा बाल दिवसमा छात्रवृति वितरण

सिधाखबर शुक्रबार, भदौ २९, २०८०

मकवानपुरगढी \ मकवानपुरगढी गाउँपालिका वडा नम्बर ३ मक्रान्चुलीमा रहेको जागरण बचत तथा ऋण सहकारी संस्थाले गरिब तथा जेहेन्दार विद्यार्थीलाई छात्रवृति प्रदान गरेको छ । शुक्रबार परेको ५९ औँ बाल दिवसको अवसरमा आयोजित एक कार्यक्रमका बीच गरिब तथा जेहेन्दार विद्यार्थीहरुका लागि शैक्षिक सामाग्री तथा छात्रवृत्ति वितरण गरिएको संस्थाका व्यवस्थापक मेनुका दाहालले बताइन् ।

संस्थाका उपाध्यक्ष भगवती घिमिरेको संयोजकत्व तथा मकवानपुरगढी गाउँपालिका वडा ३ का वडा अध्यक्ष भागवत घिमिरेको प्रमुख आतिथ्यतामा कार्यक्रम भएको थियो । कार्यक्रममा मकवानपुरगढी गाउँपालिका शिक्षा शाखा प्रमुख राम बहादुर घलानको आतिथ्यता रहेको थियो ।

कार्यक्रममा मकवानपुरगढी गाउँपालिका –३ का यनिष चौलागाई, दिपेश डोटेल, वडा ४ का रोशनी पाख्रिन, प्रशान्त तितुङ र संजोग गोले गरि कार्यक्रममा ५ जना बालबालिकाहरुलाई शैक्षिक सामाग्री तथा छात्रवृत्ति वितरण गरिएको व्यवस्थापक दाहालले बताइन् । संस्थाको वार्षिक कार्यक्रम अन्तरगत दिवसको अवसरमा शैक्षिक सामाग्री तथा छात्रवृत्ति वितरण गरिएको जनाइएको छ ।

प्रकाशित मिति: शुक्रबार, भदौ २९, २०८० १८:५७

प्रतिक्रिया दिनुहोस्