पेशागत सुरक्षाको माग गर्दै प्रदेशसभा अगाडी धर्ना

समाचार

गृहपृष्ठ
समाचार

धर्ना पेशागत सुरक्षाको माग गर्दै प्रदेशसभा अगाडी धर्ना

सिधाखबर शनिबार, भदौ ३०, २०८०

हेटौँडा / चिकित्सक कुटपिटको घटनामा संलग्नलाई कारबाहीको माग गर्दै हेटौँडका चिकित्सक एवं स्वास्थ्यकर्मीहरु धर्नामा बसेका छन् । उनीहरुले बागमती प्रदेश सभा सचिवालयको अगाडी उभिएर धर्ना दिएका हुन् । हेटौँडाका सरकारी तथा निजी स्वास्थ्य संस्थाहरुमा कार्यरत चिकित्सक एवं स्वास्थ्यकर्मीहरु धर्नामा सहभागी छन् । प्रदेशसभा भवन अगाडि भेला भएका स्वास्थ्यकर्मीले प्लेकार्डसहित प्रर्दशन गर्दै पेशागत सुरक्षाको माग गरेका हुन् ।

गएको बुधबार सन्चो अस्पतालमा कार्यरत दुईजना डाक्टरमाथी आठदश जनाको समूहले कुटपिट गरेका थिए । घटनामा संलग्न भएको अभियोगमा प्रहरीले चारजनालाई पक्राउ गरेको छ भने नेपाल चिकित्सक संघले दुई जनाविरुद्ध किटानी जाहेरी दिएको छ । पक्राउ पर्नेमा गत साउन २५ गते डेंगु संक्रमणका कारण ज्यान गुमाएका राजेश प्रधानकी श्रीमती रमा प्रधान, छोरी रमिता प्रधान, छोरा रोहित प्रधान र भतिज अनुप प्रधान रहेका छन् ।

हेटौंडा–१२ का प्रधानका आफन्तले अस्पतालभित्रै प्रवेश गरेर डाक्टरको लापरबाहीका कारण बिरामीको मृत्यु भएको भन्दै डा. प्रशान्त बिडारी र डा. विकास थापालाई निर्घात कुटपिट गरेका थिए । घटनमा संलग्न अन्यलाई पनि पक्राउ गरिनुपर्ने माग गर्दै उनीहरु धर्नामा बसेका छन् । हेटौँडा अस्पतालका बरिष्ठ बालरोग विशेषज्ञ हरीबहादुर खड्काले प्रदेशसभाका माननियहरुको ध्यानाकर्षण गर्न सचिवालय अगाडी धर्नामा बसेको बताउनु भयो ।

प्रकाशित मिति: शनिबार, भदौ ३०, २०८० १२:५२

#चिकित्सक कुटपिट

प्रतिक्रिया दिनुहोस्