स्थापना दिवसमा विद्यार्थीलाई पुरस्कार प्रदान

समाचार

गृहपृष्ठ
समाचार

स्थापना दिवसमा विद्यार्थीलाई पुरस्कार प्रदान

सिधाखबर सोमबार, असोज १, २०८०

मकवानपुरगढी \ मकवानपुरगढी गाउँपालिका वडा नम्बर २ कुर्लेमा रहेको वंशगोपाल माध्यामिक विद्यालय(प्राविधिक शिक्षालय)को ४८ औं स्थापना दिवस तथा दोस्रो वार्षिक उत्सव समारोह सोमबार भएको छ ।

विद्यालय परिसरमा स्थापना दिवसको अवसर पारेर विद्यालयले केही दिन अघि विभिन्न विधा खेलकुद प्रतियोगिता गरेको थियो । सोही खेलकुद प्रतियोगिताका विजयी भएका ८० जना विद्यार्थीलाई आज दिवसको दिन सोमबार पुरस्कार प्रदान गरिएको विद्यालयका प्रअ विक्रम चौरेलले बताए ।

विद्यालय व्यवस्थापक समितिका अध्यक्ष जीत बहादुर लामाको सभाध्यक्षता तथा वडा नम्बर २ का वडाध्यक्ष बखानसिं पाख्रीनको प्रमुख आतिथ्यतामा कार्यक्रम भई पुरस्कार प्रदान गरिएको थियो ।

कार्यक्रममा विद्यालयका पुर्व अध्यक्ष एंव गाउँपालिकाका शिक्षा समिति सदस्य रामप्रसाद पुडासैनी, वडा सदस्य एंव गाउँपालिका शिक्षा समिति सदस्य लक्ष्मी विश्वकर्मा, विद्यालयका पुर्व अध्यक्ष नीर बहादुर बल, कृष्ण प्रसाद पुडासैनी, गाउँपालिका खेलकुद विकास समितिका संयोजक हिरा स्याङ्तान, विद्यालयका पुर्व प्रअ सन्देश तम्सिङमगर, प्रअ विक्रम चौरेललगायतको आतिथ्यता रहेको थियो ।

प्रकाशित मिति: सोमबार, असोज १, २०८० २०:२५

प्रतिक्रिया दिनुहोस्