आचार्यद्धारा उपाध्यक्षमा उम्मेदवारी घोषणा

समाचार

गृहपृष्ठ
समाचार

एनआरएनए महाधिवेशन आचार्यद्धारा उपाध्यक्षमा उम्मेदवारी घोषणा

सिधाखबर बिहीबार, असोज ४, २०८०

हेटौंडा \ गैर आवासीय नेपाली संघको (२०२३÷०२५) उपाध्यक्षमा नारायण प्रसाद आचार्यले उम्मेदवारी घोषणा गरेका छन् । संघको आगामी ११ औं महाधिवेसनमा उनले उपाध्यक्ष पदमा उम्मेदवारी घोषणा गरेका हुन् ।

सामाजिक संजाल मार्फत आचार्यले गैर आवासीय नेपाली संघ भित्र केहि वर्षहरु देखि देखापरेको अन्तरिक खिचातानी तथा असमझदारी लाई अन्त गरी विदेशमा रहेका सबै नेपालीहरुलाई आफ्नो साझा घर आफ्नो साझा परिवार सम्झन सक्ने वातावरण निर्माणको लागि आफ्नो उम्मेदवारी रहेको उल्लेख गरेका छन् ।

उनले हाम्रा सामु देखिएका विभिन्न चुनौतिहरु लाई सामना गर्दै सबै गैर आवासीय नेपालीहरुको साझा, सक्षम , पारदर्शी एवं सवल नेतृत्व बनाउने अभियानमा आफ्नो भूमिका रहने बताएका छन् ।

आफुले एनसिसी नेदरल्याणडस अध्यक्ष, आइसिसी सदस्य, यूरोप क्षेत्रीय संयोजक तथा गत १० औं महाधिवेशन बाट आइसिसी उपाध्यक्ष भएर संघमा काम गरेको बताए । उक्त काम अनुभवका आधारमा विश्वभर रहनु भएका एनआरएनहरुका मुद्दाहरुमा आवाज उठाउने प्रतिवद्धता जाहेर गरेका छन् ।

प्रकाशित मिति: बिहीबार, असोज ४, २०८० १६:१८

प्रतिक्रिया दिनुहोस्