असोज २३ गतेदेखी नागस्वतीमा २७ औ टोलस्तरीय फुटबल प्रतियोगिता

समाचार

गृहपृष्ठ
समाचार

असोज २३ गतेदेखी नागस्वतीमा २७ औ टोलस्तरीय फुटबल प्रतियोगिता

सिधाखबर बुधबार, असोज १०, २०८०

हेटौंडा / नवज्योति टोल विकास संस्था हेटौंडा–७, नागस्वतीको आयोजनामा आगामी असोज २३ गते देखी २७ औ टोलस्तरीय फुटबल प्रतियोगिता आयोजना गर्ने भएको छ । हरेक बर्ष बिजयादशमीको आयोजना पारेर गरीदै आएको यस प्रतियोगीतालाई यो पटक गत बर्षको बिजेता नवज्योति टोल बिकाश अन्तरगतको भिआईपी फुटबल टिमको आयोजनामा हुदैछ । नागस्वतीस्थित नवज्योति माविको खेल मैदानमा प्रतियोगिता सञ्चालन हुन लागेको खेल संयोजक शुसिल सुबेदीले बताए ।

बुधबार पत्रकार सम्मेलन मार्फत् प्रतियोगिताको तयारीको बारेमा जानकारी समेत गराईएको थियो । प्रतियोगीता कात्तिक ३ गतेसम्म सञ्चालन हुने र करिब १२ वटा टोली सहभागी रहने अनुमान गरिएको प्रतियोगिताका आर्थिक संयोजक राजु कार्कीले जानकारी दिए । उनका अनुसार प्रतियोगिता सहभागी टोली दुई समूहमा विभाजन गरी लिगचरणमा खेल खेलाईनेछ । प्रतियोगिताको विजेताले नगद ५३ हजार रुपैयाँसहित खसी प्राप्त गर्नेछ भने उपविजेताले खसीसहित विभिन्न उपहार प्राप्त गर्ने जनाईएको छ ।

प्रतियोगिताका उत्कृष्ट खेलाडीलाई विधागतरुपमा पुरस्कारको व्यवस्था गरिने समेत संयोजक सुवेदीले जानकारी दिए । प्रतियोगीतामा वडा नम्बर ७ बसोबास गर्ने खेलाडी र टिमले मात्र सहभागी हुन पाउने छ । बिस २०५२ साल देखी आयोजना हुदै आएके प्रतियोगीतामा हरेब बर्षको बिजयी समुहनै अर्को बर्षको आयोजक बन्ने प्रचल्न रहेको सुबेदीले बताउनु भयो । खेलका लागी अनुमानीत ५ लाख खर्च हुने बताईएको छ ।पत्रकार सम्मेलनमा नागस्वती भेट्रान्सका अध्यक्ष सोम तितुग,आयोजक सदस्य राजकुमार बाँनिया,गोकुल अधिकारी लगाएतको सहभागीता रहेको थियो ।

प्रकाशित मिति: बुधबार, असोज १०, २०८० १३:२१

प्रतिक्रिया दिनुहोस्