हेटौंडामा आफ्नै वृद्ध बाआमा र भाईमाथि चिरपट प्रहार

समाचार

गृहपृष्ठ
समाचार

घाइते हेटौंडामा आफ्नै वृद्ध बाआमा र भाईमाथि चिरपट प्रहार

सिधाखबर बिहीबार, असोज ११, २०८०

हेटौंडा \ हेटौंडामा एक पुरुषले आफ्नै बाबुआमा र भाईलाई चिरपटले हानेर घाइते बनाएका छन् । हेटौंडा उपमहानगर वडा नं३ भुलन टोल बस्ने ५० वर्षीय बद्रीनाथ मैनालीले चिरपट प्रहार गरेका हुन् ।

बद्रीनाथको चिरपट प्रहारबाट उनका बाबु ७३ वर्षीय रामजी मैनाली, आमा ६५ वर्षीय माया मैनाली र भाई ४० वर्षीय केदार मैनाली घाइते भएका छन् । प्रहरीका अनुसार रामजीको दाँया हात र कुहिनामा, मायाको टाउकोमा चोट र केदारको हातमा चोट लागेको छ ।

घाइते तीनै जनाको उद्धार गरी हेटौंडा अस्पताल उपचारको लागि पठाईएकोमा माया मैनालीलाई चितवनस्थित पुरानो मेडिकल कलेज रिफर गरिएको बागमती प्रदेश प्रहरी कार्यालय हेटौंडाले जनाएको छ । कुटपिट गर्ने बद्रीनाथ मैनालीलाई प्रहरीले हेटौंडा उपमहानगरपालिका वडा नं३ बसामाडीबाट नियन्त्रणमा लिएको छ ।

प्रकाशित मिति: बिहीबार, असोज ११, २०८० १३:५६

प्रतिक्रिया दिनुहोस्