आधारभुतलाई स्टेसनरी, लामिटारमा लागूऔषध विरुद्ध सचेतना

समाचार

गृहपृष्ठ
समाचार

जेसीज सप्ताह आधारभुतलाई स्टेसनरी, लामिटारमा लागूऔषध विरुद्ध सचेतना

सिधाखबर मंगलबार, असोज ३०, २०८०

राक्सिराङ \ जेसीआई चैनपुर प्रस्तावितको जेसीज सप्ताह कार्यक्रम अन्तर्गत सोमबार राक्सिराङ गाउँपालिका ३ मा रहेको श्री आधारभुत विद्यालयलाई स्टेसनरी तथा खेलकुद सामग्री हस्तान्तरण गरिएको छ । सोमबार बिहान एक कार्यक्रमका बीच विद्यालयको विपन्न तथा गरिब विद्यार्थीको सहजताको लागि कापी, कलम, सिसाकलम सहितको स्टेसनरी सामग्री र फुटबल सहयोग गरिएको हो ।

कार्यक्रम संयोजक चुडामणी अधिकारी गोपालको संयोजकत्व एवम् जेसीजका अध्यक्ष गणेशदर्पण अधिकारीको अध्यक्षता भएको कार्यक्रममा जेसीआई चैनपुर प्रस्तावितका अध्यक्ष सल्लाहकार ज्योतिराज लुइँटेलको प्रमुख आतिथ्यता रहेको थियो । सहयोगका लागि धन्यवाद ज्ञापन गर्दै श्री आधारभुत विद्यालयका शिक्षक विजय थोकरले आगामी दिनमा पनि सहकार्यको लागि अनुरोध गरे ।

प्रमुख अतिथी लुइँटेलले सामाजिक कार्यसँगै युवाहरुको नेतृत्व र व्यक्तित्व विकासका लागि काम गर्न अनुरोध गरे । जेसीज अभियानलाइ सार्थकता दिन आफ्नो तर्फबाट सक्दो सहयोग गर्ने उनको प्रतिबद्धता रहेको थियो । यस्तै जेसीज सप्ताह अन्तरगत सोमबारै दिउँसो स्थानीय शिवशक्ति टोल विकास संस्थाको विशेष अनुरोधमा मनहरी गापा ३ लामिटारमा लागूऔषध दुर्व्यसन सम्बन्धि सचेतना कार्यक्रम भएको छ । गाउँमा लागूऔषध दुर्व्यसन बढेको भन्दै टोल विकास संस्थाले कार्यक्रमका लागि अनुरोध गरेको हो ।

कार्यक्रम संयोजक सुवास खड्काको संयोजकत्वमा भएको कार्यक्रममा ईलाका प्रहरी कार्यालय नेवारपानीका प्रहरी सहायक निरीक्षक कृष्ण न्यौपानेको प्रमुख आतिथ्यता रहेको थियो । कार्यक्रममा मकवानपुर रिकभरिङ समूहका महासचिव सन्दिप शाक्य, साहारा समूहका अनिल तामाङ र सहायक निरीक्षक न्यौपानेले सहजीकरण गरेका थिए । कार्यक्रममा शिवशक्ति टोल विकास संस्थाका अध्यक्ष इन्दिरा राई, जेसीज सप्ताह सहमुल कार्यक्रम संयोजक मिलन ढुंगाना लगायतले मन्तव्य व्यक्त गरेका थिए ।

प्रकाशित मिति: मंगलबार, असोज ३०, २०८० ०५:२०

#जेसीज सप्ताह

प्रतिक्रिया दिनुहोस्