गौतम बुद्ध क्रिकेट रंगशाला निर्माणका लागि बागमती प्रदेश सरकारको लगानी

समाचार

गृहपृष्ठ
समाचार

गौतम बुद्ध क्रिकेट रंगशाला गौतम बुद्ध क्रिकेट रंगशाला निर्माणका लागि बागमती प्रदेश सरकारको लगानी

सिधाखबर मंगलबार, कात्तिक २१, २०८०

हेटौंडा \ चितवनको गौतम बुद्ध क्रिकेट रंगशाला निर्माणका लागि बागमती प्रदेश सरकारले लगानी गर्ने भएको छ । मंगलबार हेटौंडामा बसेको भरतपुर महानगरपालिका र बागमती प्रदेश सरकार बिचको बैठकले उक्त रंगशाला निर्माणका लागि लगानी गर्ने सहमती सहित निर्णय गरेको हो ।

बैठकले यस अघि भएका आर्थिक क्रियाकलाप र ऋण सम्बन्धी सम्पूर्ण जिम्मेवारी भरतपुर महानगरपालिका र संघीय सरकारले व्यवस्थापन गर्ने निर्णय समेत गरेको छ । बैठकको निर्णय अनुसार छिट्टै नै ठेक्का आह्वान गरी रंगशाला निर्माणको काम अघि बढाइने बागमती प्रदेशका मुख्यमन्त्री शालिकराम जम्कट्टेलका प्रमुख राजानीतिक सल्लाहकार डिपी ढकालले जानकारी दिनुभयो ।

उहाँका अनुसार महानगरपालिकाले तयार पारेको पहिलो चरणको लागत अनुमानको प्रस्वाव अनुसार काम सुरु गरिने भएको छ । महानगरपालिकाले पहिलो चरणमा दश हजार दर्शक अट्ने प्याराफिट सहित क्रिकेट पिच र मैदान निर्माणको काम गर्ने निर्णय भएको प्रमुख राजानीतिक सल्लाहकार ढकालले बताउनु भयो । यस कार्यको लागी महानगरपालिकाले तयार पारेको लागत अनुमान प्रस्ताव अनुसार ७५ करोड रुपैयाँ लगानी लाग्ने उहाँले बताउनु भयो ।

उक्त लागत अनुमानको ७० प्रतिशत बागमती प्रदेश सरकारले व्यहोर्ने र ३० प्रतिशत रकम महानगरपालिकाले व्यहोर्ने सहमती सहित निर्णय भएको उहाँले बताउनु भयो । सहमती सहित निर्णय भएको बैठकमा मुख्यमन्त्री शालिकराम जम्कट्टेल,आर्थिक माामिला तथा योजना मन्त्री बहादरु सिं लामा,सामासजक बिकाश मन्त्री कुमारी मोक्तान,प्रदेश खेलकुद समिति सदस्य सचिब सुर्य भण्डारी,भरतपुर महानगरपालिकाका मेयर रेणु दाहाल,बागमती प्रदेशका प्रमुख सचिव घनश्याम उपाध्याय लगाएतको सहभागीता रहेको थियो ।

प्रकाशित मिति: मंगलबार, कात्तिक २१, २०८० १४:१४

#गौतम बुद्ध क्रिकेट रंगशाला

प्रतिक्रिया दिनुहोस्