मकवानपुरमा सवारी दुर्घटनामा दुईको मृत्यु, दुई घाईते

समाचार

गृहपृष्ठ
समाचार

दुर्घटना मकवानपुरमा सवारी दुर्घटनामा दुईको मृत्यु, दुई घाईते

सिधाखबर सोमबार, कात्तिक २७, २०८०

हेटौंडा \ गएराती मकवानपुरमा मोटरसाईकल दुर्घटनामा परि एकजनाको मृत्यु भएको छ भने दुईजना घाईते भएकाछन् । आईतबार राती दश बजेको समयमा हेटौडा उपमहानगरपालिका वडा नम्बर ११ स्थित राप्ती खोलाको पुलको मुखमा हेटौडा बजारबाट थानाभर्याङ तर्फ जादै गरको ना ६५प ७०५५ नम्बरको मोटरसाईकल आफै अनियन्त्रित भई दुर्घटना हुदाँ मोटरसाईकल चालक हेटौडा उपमहानगरपालिका-४ कमलडाडा बस्ने वर्ष २२ को महेन थापा मगरको मृत्यु भएको मकवानपुरका प्रहरी नायव उपरिक्षक एंव प्रहरी प्रवक्ता लक्ष्मी भण्डारीले बताउनुभयो ।

मोटरसाईकलमा हेटौडा २ संगमचोक बस्ने वर्ष १८ की बेविसा खड्की र हेटौडा ५ गर्दोही बस्ने वर्ष १९ की बिनिता थापा र चालक थापामगर सवार रहेका थिए । दुर्घटनामा तीनै जना घाईते भएका र तत्काल उपचारको लागि हेटौंडा अस्पताल लगेकोमा उपचारको क्रममा चालक थापामगरलाई आईतबार राती ११ बजे डाक्टरले मृत घोषणा गरेको प्रहरी प्रवक्ता भण्डारीले बताउनुभयो ।

घाइते भएका बेविसा खड्कीलाई थप उपचारको लागी नयाँ मेडिकल कलेज भरतपुर रिफर गरिएको र उनको अवस्था गम्भिर रहेको भण्डारीले बताउनुभयो । घाईते भएकी बिनिसा थापा उपचारपछि डिस्चार्ज भएको अस्पताल स्रोतले जनाएको छ ।

त्यस्तै, शुक्रबार आफ्नै अटो पार्किङ गर्ने क्रममा गम्भिर घाईते भएका मकवानपुरगढी गाउँपालिका वडा नम्बर ५ खैरहनी बस्ने वर्ष ३३ का लक्ष्मण स्याङ्तानको उपचारको क्रममा आइतबार निधन भएको छ । खैरहनीमा रहेको आफ्नै घरमा ना १ ह ३५४४ नम्बरको अटो ब्याक गरी पार्किङ गर्न लाग्दा ६० फिट तल खस्दा स्याङ्तान घाइते भएका थिए । उनको हेटौंडामा उपचार पश्चात थप उपचारका लागि पुरानो मेडिकल कलेज भरतपुर लगिएकोमा आइतबार राती निधन भएको अस्पतालबाट जानकारी प्राप्त भएको प्रवक्ता भण्डारीले बताउनुभयो ।

प्रकाशित मिति: सोमबार, कात्तिक २७, २०८० ०८:४०

प्रतिक्रिया दिनुहोस्