मकवानपुरको राक्सिराङबाट पेस्तोल र बुलेट बरामद

समाचार

गृहपृष्ठ
समाचार

मकवानपुरको राक्सिराङबाट पेस्तोल र बुलेट बरामद

सिधाखबर मंगलबार, मंसिर १२, २०८०

मनहरी \ मकवानपुरको राक्सिराङ गाउँपालिकाबाट मकवानपुर प्रहरील कटुवा पेस्तोल र बुलेट बरामद गरेको छ । प्रहरीले गाउँपालिकाको वडा नम्बर १, दुङ्गुखोलाबाट १ थान कटुवा पेस्तोल र २ थान बुलेट बरामद गरेको प्रहरीले जनाएको छ ।

बागमती प्रदेश प्रहरी कार्यालय हेटौंडाका अनुसार ईलाका प्रहरी कार्यालय मनहरी र प्रहरी चौकी चैनपुरबाट खटिएको प्रहरी टोली उक्त पेस्तोल र बुलेट बरामद गरेको बताइएको हो ।

एकजना मानिसले स्थानीयको पसल अगाडी पेस्तोल देखाउँदै हिडेको भन्ने खबर पाएपछि प्रहरी टोली घटनास्थल पुगेको थियो । कटुवा पेस्तोल र २ थान बुलेट बरामद भएपनि पेस्तोल देखाउँदै हिड्ने व्यक्ति भने फरार भएको प्रहरीले जनाएको छ ।

प्रहरी घटनास्थल पुग्नु अगावै स्थानीयले उक्त व्यक्ति र हतियारलाई नियन्त्रणमा लिन खोज्दा पेस्तोल र बुलेट भुईमा छोडेर व्यक्ति फरार भएको प्रहरीले जनाएको छ । फरार व्यक्तिको खोजी कार्य भइरहेको छ ।

प्रकाशित मिति: मंगलबार, मंसिर १२, २०८० १५:५५

प्रतिक्रिया दिनुहोस्