रेडियो मकवानपुरले जागरुक महिला सम्मान संगै तिज बिशेष कार्यक्रम गर्ने

बागमती प्रदेश

गृहपृष्ठ
बागमती प्रदेश

रेडियो मकवानपुरले जागरुक महिला सम्मान संगै तिज बिशेष कार्यक्रम गर्ने

सिधाखबर बिहीबार, भदौ ९, २०७९

हेटौंडाकै पहिलो सामुदायिक रेडियोका रुपमा स्थापना भएको र हेटौडाबाट संचालीत रेडियो मकवानपुरले शनिबार तीज विशेष कार्यक्रम आयोजना गर्ने भएको छ । तिज बिशेष कार्यक्रम अन्तरगत रेडियोले दुई महिलालाई जागरुक महिला सम्मान प्रदान गर्ने रेडियोका स्टेशन म्यानेजर गणेशदर्पण अधिकारीले बताएकाछन् । रेडियोले स्थापना कालदेखिनै तीजको सन्दर्भमा मकवानपुरका २ अग्रज महिलालाई सामुदायिक सम्मान प्रदान गर्दै आएको थियो । यस बर्षपनि मकवानपुरमा रहेर समाजमा विभिन्न योगदान पु¥याएका दुईजना महिलालाई जनही नगद १० हजार रुपैयाँ सहित सम्मान गरिने बताईएको हो ।

नेपाली कांग्रेसका केन्द्रीय सहमहामन्त्री महालक्ष्मी उपाध्याय डीनाको प्रमुख आतिथ्यतामा हुने कार्यक्रममा मकवानपुरका राजनीतिक दलका प्रमुख प्रतिनिधि, जनप्रतिनिधि सहित सहयोगी संस्थाका प्रमुख प्रतिनिधिहरुको आतिथ्यता रहने बताईएको छ । कार्यक्रममा यस बर्षको तीजको सर्वाधिक लोकप्रिय गीत ‘पावैमा पाउजु छैन बरीलै बोलकी गायिका स्वस्तिका ढकाल, सुनिता शर्मा लुईंटेल सहित स्थानीय कलाकारहरुको प्रश्तुती रहने स्टेशन म्यानेजर अधिकारीले बताएकाछन । कार्यक्रममा सहभागी मध्ये ३ जनाले सुनको चन्द्रहार,सुनको चन्द्रमा र चाँदीको पाउजु प्राप्त गर्नेछन् भने कार्यक्रममा सबैभन्दा राम्रो नृत्य गर्ने एकजनाले पनि चाँदीको पाउजु पाउनेछन् ।

जागरुक महिला सम्मानको लागि रेडियो मकवानपुर सञ्चालक समितिले छनौट समिति समेत बनाएको छ । रेडियो मकवानपुरले यसअघि २२ जनालाई जागरुक महिला सम्मान र २४ जनालाई सामुदायिक सम्मान प्रदान गरिसकेको छ । रेडियो मकवानपुर दिव्यतारा बहुउद्देश्यीय सहकारी संस्था लिमिटेडद्धारा संचालीत रेडियो हो । पछिल्लो समय रेडियोले आफना कार्यक्रमहरुलाई परिस्कृत गर्दै श्रोताको चाहाना अनुरुप कार्यक्रमहरु पस्कदै आएको छ ।

प्रकाशित मिति: बिहीबार, भदौ ९, २०७९ १७:१६