हेटौँडा साकोसको रजत महोत्सवमा रक्तदान कार्यक्रम

मकवानपुर

गृहपृष्ठ
मकवानपुर

हेटौँडा साकोसको रजत महोत्सवमा रक्तदान कार्यक्रम

सिधाखबर बुधबार, पुस ११, २०८०

हेटौँडा \ हेटौँडा ७ नागस्वतीमा अवस्थित हेटौंडा बचत तथा ऋण सहकारी संस्थाले आफ्नो २५ औं वार्षिकोत्सवमा रजत महोत्सव मनाइरहदाँ बुधबार भने बृहत रक्तदान कार्यक्रम आयोजना गरेको छ । संस्थाको केन्द्रीय कार्यालय परिसरमा रक्तदान कार्यक्रम गरिएको थियो । रक्तदान कार्यक्रममा २० जनाले रक्तदान गरेका थिए । जसमा ७ महिला १३ जना पुरुषले रक्तदान गरेका थिए । संस्थाका अध्यक्ष ईन्द्रबहादुर बस्नेतको अध्यक्षतामा कार्यक्रम भएको थियो ।

कार्यक्रममा रक्तसञ्चार केन्द्रका टंक दहाल, संस्थाका उपाध्यक्ष एंव जिल्ला बचत तथा ऋण सहकारी संघका सहसचिव विजय बहादुर बस्नेत, सचिव युवराज गौतम, कोषाध्यक्ष पार्वती भट्ट, प्रवन्धक रामशरण गौतम लगायतको उपस्थिती रहेको थियो ।

संस्थाले विहीबार भने म्युजिकल चियर प्रतियोगिता, घ्याम्पो फुटाई र सेवाकेन्द्र स्तरीय फुटबल प्रतियोगिता रहने संस्थाका सुचना अधिकारी सुशील सुवेदीले बताए । सहकारीले यस अघि जेष्ठ नागरिक सम्मान, बाल कार्यक्रम तथा वनभोज कार्यक्रम गरिसकेको छ । शुक्रबार स्लो बाईक/स्कुटर रेस, पाँच सय मिटर महिला÷पुरुष दौड, फुटबलको फाइनल प्रतियोगिता, पुरस्कार वितरण र साँझमा दीप प्रज्वलन, मिठाई वितरण तथा सप्ताहव्यापी कार्यक्रम समापन रहेको संस्थाका सचिव युवराज गौतमले बताए ।

प्रकाशित मिति: बुधबार, पुस ११, २०८० १९:४७

प्रतिक्रिया दिनुहोस्