गुरुङ्गद्धारा मानब सेवा आश्रममा न्यानो कपडा सहयोग

समाचार

गृहपृष्ठ
समाचार

गुरुङ्गद्धारा मानब सेवा आश्रममा न्यानो कपडा सहयोग

सिधाखबर सोमबार, पुस २३, २०८०

हेटौडा / हेटौडा ६ निवासी समाजसेवी राजु गुरुङ्गले आफनो जन्मदिनको अवसरमा मानब सेवा आश्रममा रहेका दुई सय तिस जना सहयोगापेक्षीहरुलाई न्यानो कपडा तथा एकछाक खाना सहयोग गर्नु भएको छ । बागमती प्रदेशका सामाजिक बिकाश मन्त्री कुमारी मुक्तानको प्रमुख आतिथ्यतामा कपडा बितरण गरिएको हो । न्यानो कपडा बितरण गर्दै मन्त्री मुक्तानले मानब सेवा भन्दा ठुलो धर्म अरु केही नभएको बताउनु भयो । उहाँले सडकमा कष्ठकर जिवन बिताईरहेका सहयोगापेक्षीहरुलाई गरिने सेवा सबै भन्दा ठुलो सेवा हुनेमा जोड दिनु भयो ।

बागमती प्रदेश सरकारले मानबसेवा आश्रमका लागी आवाश्यक बजेट बिनियोजन गर्दै आएको बताउनु हुदै यो चिसो समयमा न्यानो कपडा बितरण गर्ने सहयोगी मनका धनी गुरुङ्गलाई धन्यबा दिदै यस्ता सहयोगले पुन्य कमाईने बताउनु भयो । आफुले कमाएर जोगाएको थोरै रकमले आश्रममा रहेकाहरुलाई सहयोग गर्नु राम्रो कार्य भएको बताउदै उहाँले समाजसेवी गुरुङ्ग जस्तै हामी सबैले आश्रममा सहयोग गर्नुपर्नेमा जोड दिनु भयो । सहयोगी गुरुङ्गले आफनो जन्म दिनको अबसरमा आश्रमका लागी थोरै भएपनि सहयोग गर्न पाएकोमा आभारी भएको बताउनु भयो ।

उहाँले फजुल खर्च गरेर सकाउने पैसा आश्रममा सेवा लिएकाहरुलाई सहयोग गर्न सके ठुलो धर्महुने समेत बताउनु भयो । कार्यक्रममा आश्रमकी उपाध्यक्ष उमा भण्डारीले सहयोगापेक्षीहरुका लागी सहयोग गर्नु भएकोमा सहयोगकर्ता गुरुगलाई धन्यबाद दिनु भएको थियो । उहाँले सबैको हातेमालोबाट आश्रम संचालन भएको बताउनु भयो ।

प्रकाशित मिति: सोमबार, पुस २३, २०८० १०:२२

प्रतिक्रिया दिनुहोस्