घर जग्गा ब्यवसायी संघको सामाजिक उत्तरदायित्व: रक्तदान

समाचार

गृहपृष्ठ
समाचार

घर जग्गा ब्यवसायी संघको सामाजिक उत्तरदायित्व: रक्तदान

सिधाखबर शनिबार, माघ १३, २०८०

हेटौंडा /मकवानपुर घर जग्गा ब्यवसायी संघले सनिवार सामाजिक उत्तरदायित्व स्वरुप रक्तदान कार्यक्रमको आयोजना गरेको छ । संघले घर जग्गा ब्यवसायलाइ मात्र प्राथमिकतामा राख्दैन,सामाजिक उत्तरदायित्वलाई पनि बोक्ने गर्छ भन्ने चरितार्थ गर्न रक्तदान कार्यक्रमको आयोजना गरिएको संघका अध्यक्ष कमल मैनालीले बताउनु भयो ।

नेपाल पत्रकार महासङ मकवानपुरका अध्यक्ष मणि राज गौतमको प्रमुख आतिथ्यतामा आयोजित प्रथम विशेष साधरण सभा सहितको कार्यक्रममा २१ जनाले रक्तदान गरेका थिए । कार्यक्रमलाई सम्बोधन गर्दै अध्यक्ष गौतमले रक्तदान जस्तो पबित्र कार्य गरेर घर जग्गा व्यावसायि संघले पुन्यको कार्य गरेको बताउनु भयो । उहाँले संघको यो कामबाट सामाजिक उद्दार्ता फैलिएको समेत बताउनु भयो । अस्पतालका शैयामा कयौं बिरामीहरु रगतको अभावमा छट्पटीमा रहेको हुँदा रगत संकलन जस्तो कार्यले समाजमा राम्रो चेतना फैलने गौतमले बताउनु भयो ।

संघका अध्यक्ष कमल मैनालीको सभाध्यक्षतामा भएको कार्यक्रममा रक्तसञ्चार केन्द्रको सहकार्य रहेको थियो । कार्यक्रममा मकवानपुर उद्योग वाणिज्य संघका वरिष्ठ उपाध्यक्ष अनिल अग्रवाल, उपाध्यक्ष प्रमोद सिं रानाभाट, तयारी पोशाक तथा कपडा व्यवसायी संघका अध्यक्ष नेत्रप्रसाद खतिवडा,खेलकुद विकास समिति हेटौंडा नगर अध्यक्ष रवीन्द्र घिमिरे लगायतले रक्त संकलन जस्तो कार्य गर्नु नमूना काम भएको बताएका थिए ।

प्रकाशित मिति: शनिबार, माघ १३, २०८० १९:५२

प्रतिक्रिया दिनुहोस्