मछिन्द्र एफसीले बागमती क्लबलाई ५–२ ले हराउँदै विजयी सुरुवात

समाचार

गृहपृष्ठ
समाचार

बागमती गोल्डकप मछिन्द्र एफसीले बागमती क्लबलाई ५–२ ले हराउँदै विजयी सुरुवात आयोजक बागमती र हिमालयन शेर्पा भिड्दै

सिधाखबर बुधबार, फागुन २, २०८०

बागमती \ पुर्वी मकवानपुरको बागमती गाउँपालिकामा जारी छैठौं संस्करणको बागमती गोल्डकप फुटबल प्रतियोगिता अन्तर्गत आज बुधबार एक खेल हुँदैछ । बागमती ८ स्थित जनता माविको खेल मैदानमा हुने खेलमा आयोजक बागमती खेलकुद विकास समिति र ए डिभिजन क्लब हिमालयन शेर्पा क्लबबीच प्रतिस्पर्धा हुनेछ ।

दुई टिमबीचको खेल दिउँसो १ बजे सुरु हुनेछ । आजको विजयी टोलिले क्वाटरफाइनलमा स्थान बनाउनेछ । हिमालयन शेर्पा तेस्रो संस्करणको उपविजेता समेत हो । विजयी टिमले क्वाटरफाइनलमा फाल्गुन ६ गते विभागीय क्लब त्रिभुवन आर्मी क्लबसँग प्रतिस्पर्धा गर्नेछ ।

मंगलबार भएको उद्घाटन खेलमा मछिन्द्र एफसीले राइट लेन एजुकेशन बागमती क्लबलाई ५–२ ले हराउँदै विजयी सुरुवात गरेको छ ।

नकआउट चरणमा सुरु भएको प्रतियोगिताको फाइनल खेल फाल्गुन १० गते हुनेछ । यस संस्करणको विजेताले १० लाख रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेताले ५ लाख रुपैयाँ प्राप्त गर्नेछन् । प्रतियोगिताको सर्वोत्कृष्ट खेलाडीले १ लाख १ हजार रुपैयाँ प्राप्त गर्नेछन् भने विधागत उत्कृष्ट खेलाडीले २५२५ हजार रुपैयाँ प्राप्त गर्नेछन् ।

प्रकाशित मिति: बुधबार, फागुन २, २०८० ०८:२२

प्रतिक्रिया दिनुहोस्