हेटौँडा भेट्रान्स कप : ट्राईब्रेकरमा एबिसी भेट्रान्स पोखरा बिजयी

समाचार

गृहपृष्ठ
समाचार

हेटौँडा भेट्रान्स कप : ट्राईब्रेकरमा एबिसी भेट्रान्स पोखरा बिजयी

सिधाखबर बुधबार, फागुन २३, २०८०

हेटौँडा / हेटौँडा भेट्रान्स क्लबको आयोजनामा हेटौडा ५ क्याम्पाचौर रंगशालामा मंगलबार देखी सुरु भएको नवौं राष्ट्रिय हेटौँडा भेट्रान्स कप एट ए साईड रनिङ शिल्ड फुटबल प्रतियोगिता अन्र्तगत बुधबारको पहिलो खेलमा एबिसी भेट्रान्स पोखरा बिजयी भएको छ । नागस्वती भेट्रान्स र एबिसी भेट्रान्स बिच भएको खेलमा निर्धारीत समयमा दुबै समुहबाट गोल हुन नसकेपछि खेल ट्राईब्रेकरमा पुगेको थियो ।

ट्राईब्रेकरमा एबिसिले ३-१ को अन्तरमा पराजीत गरेको हो । खेलमा एबिसिका तर्फबाट संजय गुरुग,बिस्वलाल श्रेष्ठ,नर कुमार राईले गोल गरेका थिएभने नागस्वतीका तर्फबाट संतोष बस्नेतले एक गोल र प्रकाश रानाको बल एबिसीका गोल रक्षकले रोकेका थिए । खेलमा एबिसिका गोल रक्षक शुरेस शर्मा तिमल्सीना म्यान अफ द म्याच घोषित भएका थिए ।

यस्तै आजै भएको दोश्रो खेलमा किङ्गकोङ्ग कल्ब बिजयी भएको छ । खेलमा बिरगंज युथ भेट्रान्सलाई ५-0 गोल अन्तरमा किङ्गकोङ्ग कल्ब बिजयी भएको हो । खेलमा किङ्गकोङ्गका तर्फबाट खेलको ११ मिनेटमा बिपिन शाहले एक गोल गरेका थिए भने खेलको २१,२२ र २७ मिनेटमा जगतमान लामाले गोल गरेका थिए ।

यस्तै खेलको ४७ औ मिनेटमा शसि थापाले गोल गरेका थिए । खेलमा जगतमान लामा म्यान अफ द म्याच घोषित भएका थिए । ४५ वर्ष उमेर समुह माथिका प्रतियोगिताको विजेताले एक लाख एघार हजार एकसय ११ रुपैयाँ,उपविजेताले पचपन्न हजार पाँच सय ५५ रुपैयाँ प्राप्त गर्ने कार्यबहाक अध्यक्ष नवराज बज्राचार्यले बताउनुभयो । प्रतियोगीता आगामी २६ गते फाईनल हुनेछ ।

प्रकाशित मिति: बुधबार, फागुन २३, २०८० १३:३२

प्रतिक्रिया दिनुहोस्