बागमती प्रदेशका मुख्यमन्त्री जम्कट्टेलले तेस्रो पटक लिए संसदबाट विश्वासको मत

समाचार

गृहपृष्ठ
समाचार

बागमती प्रदेशका मुख्यमन्त्री जम्कट्टेलले तेस्रो पटक लिए संसदबाट विश्वासको मत

सिधाखबर सोमबार, चैत १९, २०८०

हेटौडा / बागमती प्रदेशका मुख्यमन्त्री शालिकराम जम्कट्टेललाई तेस्रो पटक संसदबाट विश्वासको मत प्राप्त भएको छ । यस अघि २०७९ पुस २५ गते संविधानको धारा १६८ को २ अनुसार मुख्यमन्त्री बनेका जम्कट्टेलले १६ महिनाको अवधिमा संसदबाट तीन पटक विश्वासको मत प्राप्त गर्नु भएको हो । राजनीतिक समिकरण फेरबदलसंगै मुख्यमन्त्री जम्कट्टेलले सरकार गठन भएको ४ महिनामा २ पटक र सो को एक वर्ष अवधिमा थप एक पटक संसदबाट विश्वासको मत लिनुभएको हो ।

तेस्रो पटक संसदबाट विश्वासको मत लिने क्रममा सोमबार उहाँको पक्षमा ५६ जना सांसदहरुले मत प्रदान गरेका थिए । सरकार टिकाउन आवश्यक कुल एक सय १० सदस्यीय प्रदेशसभामा ५६ सांसदको विश्वासको मत पाउनु पर्ने व्यवस्था रहेको छ । सोही अनुसार तेस्रो पटकको विश्वासको मत लिदाँ मुख्यमन्त्री जम्कट्टेलको पक्षमा नेकपा माओवादी केन्द्रका २१ जना सांसद, एमालेका २७ जना सांसद (उपसभामुख सहित), एकीकृत समाजवादीका ७ जना सांसद र हाम्रो नेपाली पार्टीका एक सांसदबाट विश्वासको मत प्राप्त भएको होे ।

यस्तै कांग्रेसका ३७ जना सांसदले मुख्यमन्त्री जम्कट्टेलको विपक्षमा मत प्रदान गरेका थिए भने राप्रपाका १३ सांसद र र नेमकीपाका ३ सांसद तथस्ट रहेका थिए । सोमबार प्रदेशसभामा उपस्थित कुल १०८ सदस्यमध्ये जम्कट्टेलको पक्षमा ५६ मत परेको थियो भने विपक्षमा जम्मा ३७ मत परेको थियोे । यस्तै १५ सांसद तटस्थ बसे । जम्कट्टेललाई एमाले, माओवादी केन्द्र, एकीकृत समाजवादी र हाम्रो नेपाली पार्टीका सांसदले विश्वासको मत दिँदा कांग्रेसले मात्र विपक्षमा मतदान गरेको हो ।

यस्तै राप्रपा र नेमकिपाका सांसद भने तटस्थ रहेका थिए । सोमबारको प्रदेशसभा बैठकमा जम्कट्टेलले नेपालको संविधानको धारा १८८ को उपधारा (४) एवम प्रदेशसभा नियमावली (पहिलो संशोधन) २०७४ को नियम १४३ को उपनियम (१) बमोजिम आफूलाई संसदको विश्वासको मत भएको जाँच गर्न विश्वासको मत सम्बन्धी प्रस्ताव प्रदेशसभामा पेश गर्नु भएको थियो । सो प्रस्तावलाई सभामुख भुवन पाठकले मत विभाजनपछि निर्णयार्थ प्रस्तुत गर्दा ५६ सांसदबाट बिश्वासको मत प्राप्त भएको घोषणा गर्नु भएको थियो । सभामुख भुवन कुमार पाठक र हाम्रो नेपाली पार्टीक एक्जना सांसदले भाग लिनु भएन ।

प्रकाशित मिति: सोमबार, चैत १९, २०८० १८:४८

प्रतिक्रिया दिनुहोस्