लम्पी स्किनविरुद्ध ७६ हजार पशुलाई खोप लगाइने

समाचार

गृहपृष्ठ
समाचार

लम्पी स्किन लम्पी स्किनविरुद्ध ७६ हजार पशुलाई खोप लगाइने

सिधाखबर शुक्रबार, साउन २५, २०८१

हेटौँडा \ बागमती प्रदेशको कृषि तथा पशुपन्छी विकास मन्त्रालयले लम्पी स्किन रोग नियन्त्रण तथा रोकथामका लागि प्रदेशका १३ वटै जिल्लामा शुक्रबारबाट सप्ताहव्यापी खोप अभियान सञ्चालन गर्ने भएको छ । साउन २५ देखि ३१ गतेसम्म बागमती प्रदेशमा खोप अभियान सञ्चालन गर्न लागिएको बिहीबार मन्त्रालयले पत्रकार सम्मेलन गरेर जानकारी दिएको हो ।

गाई भैँसीमा पछिल्लो समय प्रकोपको रूपमा फैलिएको लम्पी स्किन रोगविरुद्ध अभियानअन्तर्गत प्रदेशभरि ७६ हजार २७५ पशुलाई खोप लगाउने लक्ष्य राखिएको छ । बागमती प्रदेशको ललितपुर, नुवाकोट, मकवानपुर, धादिङ, चितवन, दोलखा, काभ्रेपलान्चोक र सिन्धुली पशु सेवा कार्यालय मार्फत खोप लगाउन लागिएको हो ।

अभियानका लागि आठ जिल्लामा ३७६ जना भ्याक्सिनेटर नियुक्त गरेर खोप लगाउन लागिएको पत्रकार सम्मेलनमा जानकारी दिइएको थियो । निर्देशनालयमार्फत आठ हजार ३००, विभागमार्फत पाँच हजार र पशु सेवा कार्यालयमार्फत ६२ हजार ९७५ डोज खोप लगाउन लागिएको हो । अभियानका लागि ७३ लाख रुपियाँ विनियोजन गरिएको मन्त्रालयका सचिव विनोद कुमार भट्टराईले जानकारी दिए ।

प्रकाशित मिति: शुक्रबार, साउन २५, २०८१ ०७:००

प्रतिक्रिया दिनुहोस्