कुलेखानी ड्याम भरियो, सतर्क रहन आग्रह

समाचार

गृहपृष्ठ
समाचार

मौसम कुलेखानी ड्याम भरियो, सतर्क रहन आग्रह

सिधाखबर शुक्रबार, असोज ११, २०८१

ईन्द्रसरोवर \ मकवानपुरको ईन्द्रसरोवर गाउँपालिकामा अवस्थित कुलेखानी जल विद्युत आयोजनाको ड्याम अविरल वर्षाका कारण भरिन लागेको कुलेखानी प्रथम जल विद्युत केन्द्र धोर्सिङले जनाएको छ । ड्याममा पानीको सतह बढी हुन सक्ने साथै चखेल, सीमखोला, मुख्य ड्यामको ढोकाहरु पनि खोल्न पर्न सक्ने हुनाले खोलाको बहाव बढ्न गई तटीय क्षेत्रमा कुनैपनि समयमा ढुवानमा पर्ने सम्भावना रहेको केन्द्रका केन्द्र प्रमुख ईन्जिनियर तारादत्त भट्टले बताए ।

उनले जिल्ला प्रशासन कार्यालय मकवानपुरलाई यस विषयमा जानकारी गराइएको र तटीय क्षेत्र वरिपरिका स्थानीयहरुलाई समयमै सुरक्षित रहनुका साथै उच्च सतर्कता अपनाउन आग्रह गरेका छन् । विहीबारदेखी अविरल परिरहेको पानी आइतबार सम्म पर्ने मौसम अनुमान शाखाले जनाएको छ ।

जिल्ला प्रहरी कार्यालय मकवानपुरले कुलेखानी ड्याम केही समयपछि भरिन सक्ने जनाएको छ । ड्यामका ढोकाहरु खोल्नुपर्ने अवस्था आएमा सिस्नेरी देखी बागमती नदी किनाराका बस्तीहरुमा क्षति पुग्न सक्ने हुनाले सुरक्षाकर्मी तथा स्ंवमसेवकहरुलाई तयारी अवस्थामा बस्न आग्रह गरेको छ । जिल्ला विपद् व्यवस्थापन समिति, सम्बन्धित स्थानीय तहले पूर्व तयारीका साथ सुचना प्रवाह गर्दै तयारी अवस्थामा रहन आग्रह गरेको छ ।

प्रकाशित मिति: शुक्रबार, असोज ११, २०८१ १७:४३

प्रतिक्रिया दिनुहोस्