व्यवसायीको हकहित र आर्थिक विकासका लागि अध्यक्षमा उम्मेदवारी : रानाभाट

समाचार

गृहपृष्ठ
समाचार

व्यवसायीको हकहित र आर्थिक विकासका लागि अध्यक्षमा उम्मेदवारी : रानाभाट

सिधाखबर बुधबार, मंसिर १९, २०८१

हेटौंडा / मकवानपुर उद्योग वाणिज्य सङ्घको नयाँ नेतृत्वका लागि वर्तमान उपाध्यक्ष प्रमोदसिंह रानाभाटले अध्यक्षमा उम्मेदवारी घोषणा गरेका छन् । बुधवार एक कार्यक्रमको आयोजना गर्दै उनले सम्पर्क कार्यालयको उद्घाटन समेत गरेका छन् । पुष २४ गतेदेखि २७ गतेसम्म सङ्घको ५८ औँ साधारण सभाका साथ अधिवेशन हुँदै छ । मकवानपुरे उद्योगी तथा व्यवसायीको छाता सङ्गठनका रूपमा रहेको सङ्घमा २ हजार भन्दा बढी उद्योगी व्यवसायी मतदाता रहेका छन् ।

सङ्घमा ३ वर्षे कार्यकालका लागि नयाँ नेतृत्व चुनिन लागेको हो । रानाभाटले आफ्नो उम्मेदवारी घोषणाका साथमा हेटौँडा–२ स्थित पल्पसारोडमा सम्पर्क सचिवालय समेत उद्घाटन गरेका छन् । प्रमोदका पिता डम्बर बहादुरले रिबन काटेर सचिवालय उद्घाटन गरेका थिए । उम्मेदवारी घोषणापछि रानाभाटले व्यवसायीको हकहित र आर्थिक विकासका लागि आफूले ठोस काम गरेर देखाउने प्रतिवद्धता जनाएका छन् ।

व्यवसायीका समस्याहरूको सम्बोधन गर्दै संस्थालाई थप उचाइमा पुर्याउने लक्ष्यका साथ आफू अध्यक्ष बन्न चाहेको उनको भनाइ थियो । सङ्घको नेतृत्व व्यवसायी लेनै गर्नुपर्छ । व्यवसायीका हकहितका लागि ठोस योजना बनाएर सङ्घलाई समृद्ध र प्रभावकारी बनाउन म निरन्तर क्रियाशील हुनेछु ।’ उनले भने । रानाभाटको उम्मेदवारीसँगै मकवानपुर उद्योग वाणिज्य सङ्घमा निर्वाचनको सरगर्मी बढेको छ ।

प्रकाशित मिति: बुधबार, मंसिर १९, २०८१ १३:४८

प्रतिक्रिया दिनुहोस्