सम्राटको १४ औं भिडियो ‘अस्ति भन्दा हिजो’ दर्शकमाझ सार्वजनिक

चलचित्र/मनोरञ्जन

गृहपृष्ठ
चलचित्र/मनोरञ्जन

सम्राटको १४ औं भिडियो ‘अस्ति भन्दा हिजो’ दर्शकमाझ सार्वजनिक

सिधाखबर आइतबार, पुस ७, २०८१

हेटौडा / अमेरिकामा रहेका बाल कलाकार सम्राट् दाहालको एकल अभिनयमा नयाँ गीत ‘अस्ति भन्दा हिजो’को भिडियो दर्शकमाझ सार्वजनिक सँगै लोकप्रिय बन्दै आएको छ । सम्राट् क्रिएसनको युट्युव च्यानलबाट सार्वजनिक गरिएको यो गीतको भिडियोलाई सम्राट्ले आफूजस्तै किशोरहरूको भावना समेटिएको अभिनय प्रस्तुत गरेका छन् । १४ वर्ष उमेर पुगेका सम्राट्को यो १४ औँ भिडियो हो । सम्राट्ले पाँच वर्षको उमेरबाटै अभिनय यात्रा सुरु गरेका हुन् । उनले राष्ट्रिय भावको भिडियोमा पहिलो पटक अभिनय गरेका थिए । त्यसपछि सम्राट्ले निरन्तर मोडलिङ गर्दै आएका छन् । उनलाई पिता चलचित्र निर्देशक सुमन दाहालले अभिनयमा दक्खल बनाउँदै कलाकारितामै स्थापित बनाउन कोसिस गरिरहेका छन् ।

सार्वजनिक गीतमा नेपाल आइडल सिजन पाँचका विजेता करण परियारको स्वर रहेको छ भने गीतमा सङ्गीतकार दीपक शर्माले सङ्गीत भरेका छन् । गीतमा सम्राट् न्यौपानेको सङ्गीत संयोजन रहेको छ । किशोर मनोविज्ञानमा आधारित भएर तयार गरिएको यो गीतलाई निर्देशक सुमन दाहालले लेखेका हुन् । भिडियोमा निर्देशन पनि सुमनकै रहेको छ । गीतकार,पत्रकार र निर्देशनको परिचय बनाएका सुमनले परेपछि चलचित्र निर्देशन गरेका थिएभने उनको नो स्मोकिग चलचित्र रिलिज भएको छैन । निर्देशक दाहालका अनुसार बालबाट किशोरावस्थामा प्रवेश गरेका किशोरहरूको मनोविज्ञानमा सार्वजनिक गीत केन्द्रित रहेको छ । किशोरमा प्रवेश गर्दै गर्दा उनको शारीरिक र मानसिक विकासमा आएका परिवर्तनले जीवनमा ल्याउने कौतुहलतालाई गीतमा प्रस्तुत गरिएको सुमनले बताए ।

उनका अनुसार यो गीतको भिडियोको सबै छायाङ्कन अमेरिकाको केन्टकी राज्यका विभिन्न रमणीय स्थानमा गरिएको हो । गीतको मर्म अनुसार भिडियोलाई विभिन्न समयमा छायाङ्कन गरिएको छ । सम्राट्को यो भिडियोले अहिले दर्शकबाट राम्रो प्रतिक्रिया पाइरहेको छ । सानै देखी छोरालाई राम्रो कलाकार बनाउने बाबु सुमनको यो प्रयास चरितार्थ बन्दै आएको छ । अब सम्राट् चलचित्र अभिनयको लागी तयार भैसकेका छन् । राम्रो कलाकार बन्न बेसिक अभिनय र ज्ञानको अभाव हुन्छ त्यो कुराहरू सम्राट्ले पुरा गर्दै अघि बढेको सुमनको भनाई छ । एक दशक देखी अमेरिका बसोबास गदै आएका सुमनले छोरालाई राम्रो चलचित्रबाट डेब्यु गराउने सोचमा छन् ।

प्रकाशित मिति: आइतबार, पुस ७, २०८१ १३:५६

प्रतिक्रिया दिनुहोस्