अन्तर्राष्ट्रिय भेट्रान्स कपमा नागस्वती र हेटौंडा भेट्रान्सको सहभागिता

खेल

गृहपृष्ठ
खेल

अन्तर्राष्ट्रिय भेट्रान्स कपमा नागस्वती र हेटौंडा भेट्रान्सको सहभागिता

सिधाखबर बुधबार, माघ १६, २०८१

हेटौंडा \ पोखरामा सुरु भएको १४ औँ अन्तर्राष्ट्रिय भेट्रान्स एट ए साइड फुटबल प्रतियोगितामा मकवानपुरबाट दुई समूहले सहभागिता जनाएका छन् । तीन उमेर समूह(४० वर्ष, ५० वर्ष र ६० वर्ष) मा खेलाइएको प्रतियोगिताको लागि नागस्वती र हेटौँडा भेट्रान्स क्लबले सहभागिता जनाएका छन् ।

खेलमा नागस्वती भेट्रान्सले ४० वर्ष माथिको विधामा र हेटौंडा भेट्रान्सले ५० वर्ष माथि उमेर समूहको विधामा भाग लिएका छन् । नागस्वतीले पहिलो खेल माघ १७ गते खेल्नेछ भने हेटौंडा भेट्रान्सले माघ १८ गते खेल प्रदर्शनी गर्नेछ । स्वास्थ्यका एक घण्टा व्यायम, नागरिकहरुका लागि नौलो आयाम भन्ने नारा सहित वगरभाई खलक पोखराको आयोजनामा भएको प्रतियोगितामा सहभागिताका लागि नागस्वती भेट्रान्स बुधबार पोखरा प्रस्थान गरेको छ भने हेटौंडा भेट्रान्स विहीबार प्रस्थान गरिने हेटौंडा भेट्रान्स क्लबका उपाध्यक्ष नवराज बज्रचार्यले बताए ।

यस अघिको ४० वर्ष माथिको उमेरसमूह अन्तरगत नागस्वती भेट्रान्स क्लब उपविजेता बनेको थियो । यस पटक दावेदारीको रुपमा खेल प्रस्तुत गरिने तयारीका साथ आफुहरुले रणनीतिक योजना बनाएको नागस्वती भेट्रान्सका अध्यक्ष सोमबहादुर तितुङले बताए ।

प्रतियोगितामा देश भित्रका र विदेशका क्लबहरुले सहभागिता जनाएका छन् । ४० वर्ष माथिको समूहका विजेताले दुई लाख र उपविजेताले एक लाख सहित शिल्ड प्रमाणपत्र र मेडल प्राप्त गर्नेछन् भने ५० वर्ष माथीको समूह विजेताले एक लाख र उपविजेताले ५० हजार प्राप्त गर्नेछन् । त्यस्तै ६० वर्ष माथीको उमेरसमूहले विजेताले ५० हजार र उपविजेताले ३० हजार प्राप्त गर्ने वगरभाई खलकका महासचिव मनकाजी गुरुङले बताए ।

प्रकाशित मिति: बुधबार, माघ १६, २०८१ १६:२३

प्रतिक्रिया दिनुहोस्