काँग्रेसले यो समय केपी वलीको प्रशंसा गर्दै हिँड्ने समय होइन : आरके त्रिपाठी

राजनीति

गृहपृष्ठ
राजनीति

काँग्रेसले यो समय केपी वलीको प्रशंसा गर्दै हिँड्ने समय होइन : आरके त्रिपाठी

सिधाखबर मंगलबार, माघ २२, २०८१

बेलायत / बेलायतबाट स्वतन्त्र कलम चलाउँदै आउनुभएका विश्लेषक आर.के त्रिपाठीले यो समयमा काँग्रेसले केपी वलीको प्रशंसा गर्दै हिँड्ने समय नभएको बताउनु भएको छ । उहाँ आफ्नो स्वतन्त्र बिचारमा लेख्नुहुन्छ निराश भएका जनतालाई आशा भराउन र बेथिति चिर्न के-के गर्न सकिन्छ भन्ने तर्फ कसैको पनि ध्यान केन्द्रित छैन। केही वर्ष काँग्रेसले प्रचण्ड जति इमानदार कोही छैन भन्दै प्रशंसा गर्दै बितायो। विगत ६ महिना देखि अरू १८ महिना काँग्रेसले के.पी वलीको प्रशंसा र हाई हाई गर्दै बिताउने छ उहाँ लेख्नुहुन्छ ।

अब १८ महिना सम्म देशको राजनैतिक परिस्थिति घटनाक्रम कसरी बढ्ला हेर्दै जाउँला। यहाँ प्रशंसा भन्दा पनि जनतालाई के दियौँ ? वा दिई रहेको छौ ? भन्ने कार्य ठुलो हुन्छ। जनता भन्दछन् सरकारले केही गरेन। देउवा दाइ लगायत केही नेताहरू भनिरहेछन् कि केपी वली जति राम्रो र प्रशंसा गर्न लायक नेता यो दुनियाँमा छैन। अब अर्को समारोहमा काँग्रेसले भन्ने होला कि केपी वली जी स्वर्गीय वि पी कोइराला भन्दा पनि प्रशंसा गर्न लायक।

मेरा स्वर्गीय हजुरबा,मेरो बुबाले मलाई किन काँग्रेस बनाए ? मलाई थाहा भएन। अहिले लाई यति मात्र भनौँ कि कहिले प्रचण्डलाई प्रशंसा गर्दै त अहिले के पी वलीको प्रशंसा वा बखान गर्दै दिन बिताउने काम काँग्रेसको होइन। संविधानमा समाजवाद, घोषणा पत्रमा समाजवाद, चार तारामा समाजवाद, तर व्यवहारमा केके वाद,केके बाद । जय प्रचण्ड बाद, जय केपी वली जी प्रशंसा बाद,बखान बाद, तारिफ बाद । के काँग्रेस नेताको यही हो मुलमन्त्र । काँग्रेस यो समय जय जय बाद तिर लाग्नुभन्दा पनि जनतालाई आशा भराउन र बेथिति चिर्नेतर्फ लाग्नु उत्तम हुन्छ ।

प्रकाशित मिति: मंगलबार, माघ २२, २०८१ १५:१८

प्रतिक्रिया दिनुहोस्