सवै खाले भ्रष्टाचारी माछाहरूलाई पक्रिनु पर्छ : प्रदेश प्रमुख देवकोटा

समाचार

गृहपृष्ठ
समाचार

सवै खाले भ्रष्टाचारी माछाहरूलाई पक्रिनु पर्छ : प्रदेश प्रमुख देवकोटा

सिधाखबर सोमबार, माघ २८, २०८१

हेटौडा / बागमती प्रदेशका प्रदेश प्रमुख दीपक प्रसाद देवकोटाले सवै खाले भ्रष्टाचारी माछाहरूलाई पक्रिन सक्नु पर्नेमा जोड दिनु भएको छ । अख्तियार दुरुपयोग अनुसन्धान आयोगको ३४ औँ स्थापना दिवस समारोह समितिले सोमबार हेटौडामा आयोजना गरेको कार्यक्रमलाई सम्बोधन गर्नुहुँदै उहाँले अख्तियार दुरुपयोग अनुसन्धान आयोगलाई साना साना भ्रष्टाचारका मुद्दामा हात हालेर सङ्ख्यात्मक विवरण पेशगर्ने तर ठुला र संस्थागत भ्रष्टाचारका मुद्दाहरूमा हात हाल्न हिचकिचाउने भन्ने आरोपहरू चिर्नुपर्ने समय आएको बताउनु भयो । अख्तियारले जनताको निराशा चिर्दै भ्रष्टाचारको विरुद्ध खरो उत्रिएर जनताको विश्वास जित्न सक्नुपर्ने भन्दै उहाँले बेहिमानीका विरुद्धको कदम चाल्ने कुरामा खुट्टा नकमाउन आग्रह गर्नु भयो ।

चुनौतीहरू आए पनि चुनौती चिर्दै परिणामजन्य कार्यको लागी अख्तियार दुरुपयोग अनुसन्धान आयोग गम्भीर हुनुपर्नेमा प्रदेश प्रमुखको जोड थियो । भ्रष्टाचार विरुद्धको कारबाहीको विकल्प नभएकाले भ्रष्टाचारीले कुनै पनि हालतमा मुक्ति पाउन नहुने उहाँको भनाई छ । भ्रष्टाचार हुन नदिन ईमान्दारीता,पारदर्शिता र सुशासनका विषय वस्तु विद्यालय र कलेजका पाठ्यक्रम बृहतरुपमा समावेश गरिनु पर्ने उहाँले बताउनु भयो । आजको दिनले हामीलाई विगत बर्सहरूको समीक्षा गर्दै भविष्यको लागी थप प्रतिबद्ध हुन हौसला प्रदान गर्ने अपेक्षा लिएको भन्दै उहाँले अर्को पक्षलाई दोष थुपारेर ढिलासुस्ती गर्ने छुट कसैलाई पनि नहुने उहाँको जोड थियो ।

प्रकाशित मिति: सोमबार, माघ २८, २०८१ १३:२६

प्रतिक्रिया दिनुहोस्