देश बचाउन राजा र जनताको साझेदारी आवश्यक : अध्यक्ष थापा

समाचार

गृहपृष्ठ
समाचार

देश बचाउन राजा र जनताको साझेदारी आवश्यक : अध्यक्ष थापा

सिधाखबर शुक्रबार, फागुन ९, २०८१

हेटौडा / राप्रपा नेपालका अध्यक्ष एवम पूर्व गृह मन्त्री कमल थापाले देश बचाउन राजा र जनताको साझेदारी आवश्यक रहेको बताउनु भयो । शुक्रवार हेटौडामा आयोजित अगुवा कार्यकर्ता भेटघाटलाई सम्बोधन गर्नुहुँदै अध्यक्ष थापाले राष्ट्रिय एकताको विषयमा राजनीतिक दलहरूको एटटै स्वर नहुँदा बाह्य शक्तिहरूले आक्रमण गर्ने गरेको उहाँले बताउनुभयो । उहाँले विदेशीहरूको ठुलो चलखेलले देशमा आर्थिक सङ्कट उत्पन्न भएको विषम परिस्थितिमा पनि दलहरू विभाजित भएर एकले अर्कालाई आरोप प्रत्यारोपमा लाग्नु स्वभाबिक नभएको बताउनु भयो । अहिलेको अवस्थामा बिपी कोइरालाको मेलमिलाप नीति जरुरी भयो उहाँको निति अवलम्बन गर्न नसक्दा राष्ट्रियता र प्रजातन्त्र खतरामा परेको उहाँले भन्नु भयो ।

देश बचाउन राजा र जनताको साझेदारी आवश्यक छ उहाँले भन्नुभयो । प्रजातन्त्र दिवसका अवसरमा राज ज्ञानेन्द्रे दिनुभएको सकारात्मक सन्देशलाई केही नेताहरूले कटाक्ष गरेको भन्दै यो संविधानले बिचार र स्वतन्त्रताको ग्यारेन्टी गरेकोले राजाका बिचारलाई अतिक्रमण गर्न खोज्नु गलत भएको टिप्पणी गर्नुभयो । अहिले हिन्दु राष्ट्र र राजसंस्थाको पक्षमा लाखौँ जनताहरू लागिसकेको भन्दै उहाँले राजाको मन्तव्य कसैको विरुद्ध नभएको बताउनु भयो । राजालाई दोष देखाएर आफ्ना गल्तीहरू ढाकछोप गर्न खोज्नेहरूलाई अब जनताले नछाड्ने भन्दै उहाँले लोकतन्त्रको नाममा लुटतन्त्र गर्न कसैलाई छुट नभएको बताउनु भयो ।

अहिलेको प्रणालीले मुलुकको हित र रक्षा हुन नसक्ने भन्दै थापाले हिन्दु राष्ट्र र संवैधानिक राजसंस्था पुरस्थापना हुने समय आइसकेको दाबी गर्नुभयो । विदेशी शक्तिहरूको प्रभाव देशमा परेकाले आफूहरू विस्थापित हुनुपरेको भन्दै उहाँले अब राप्रपाको एकता जरुरी भएको बताउनु भयो । मलाई अब पद चाहिएको छैन पार्टी एक भएर राष्ट्र केन्द्रित गराउन सके पुग्छ उहाँले भन्नु भयो । आफूले अब निर्वाचनमा समेत भाग नलिने घोषणा गरिसकेको भन्दै उहाँले पार्टीलाई एकढिक्का गराएर राष्ट्रवादी,देशभक्त र प्रजातन्त्रवादी शक्तिहरूबिच एकता अहिलेको आवश्यकता रहेको बताउनु भयो । राष्ट्रवादी शक्तिहरू एकजुट बनाउन राष्ट्रिय प्रजातन्त्र पार्टीका अध्यक्ष राजेन्द्र लिङ्देनप्रति लक्षित गर्दै आग्रह समेत गर्नुभयो । जे भयो भयो अब हामी झगडा गरेर रिसाएर होइन हामीले सत्ता केन्द्रित नभई राष्ट्र केन्द्रित भएर हामी एक हुनुपर्छ उहाँले भन्नुभयो ।

चुनाव जित्नु र हार्नु आफ्नो ठाउँमा छ तर मकवानपुरको लागी आफूले धेरै विकासका कामहरू गरेको भन्दै । राजनीतिक यात्रामा भएका उत्तर चढावलाई आफूले सिकाइको रूपमा लिएको बताउनु भयो । सत्ता र सडकमा हिडदै गर्दा स्वाभिमानी र निष्ठावन भएर काम गरेको भन्दै उहाँले साढे चार दशकसम्म आफूले परिकल्पना गरेको विचार र बाटो यथार्थ बन्दै आएको बताउनुभयो । कार्यक्रममा जिल्ला अध्यक्ष गुरुप्रसाद सापकोटा,राप्रपा नेपालका महामन्त्री राजाराम बर्तौला लगायत जिल्लाका नेता कार्यकर्ताहरूको सहभागिता रहेको थियो ।

प्रकाशित मिति: शुक्रबार, फागुन ९, २०८१ १८:१४

प्रतिक्रिया दिनुहोस्