दुई थान शङ्कास्पद मोटरसाइकल सहित एक जना पक्राउ

समाचार

गृहपृष्ठ
समाचार

दुई थान शङ्कास्पद मोटरसाइकल सहित एक जना पक्राउ

सिधाखबर सोमबार, फागुन १२, २०८१

हेटौडा / मकवानपुर प्रहरीद्वारा दुई थान शङ्कास्पद मोटरसाइकल सहित एक जनालाई पक्राउ गरेको छ । आइतबार राती ९ बजेको समयमा मकवानपुरको बागमती गाउँपालिका वडा नम्बर ७ धन्साई स्थित बानेडाडामा एकब्यक्तीको घरमा शङ्कास्पद मोटरसाईकलहरुको सामानहरू अन्य मोटरसाईकलहरुमा अदली बदली गरिरहेको छ भनी गोप्य सूचनाको आधारमा प्रहरी कार्यालय फापर बारी मकवानपुरबाट खटिएको प्रहरी टोलीले मोटरसाइकल तथा पाटर्सहरु सहित एक जनालाई प्रहरीले नियन्त्रणमा लिइएको जिल्ला प्रहरी कार्यालय मकवानपुरका प्रहरी उपरीक्षक विश्वराज खडकाले बताउनु भयो ।

पक्राउ पर्नेमा जिल्ला बारा कलैया उपमहानगरपालिका वडा नम्बर ८ घर भई हाल जिल्ला मकवानपुर बागमती गाउँपालिका वडा नम्बर ८ धमिनथानमा मोटरसाइकल ग्यारेज सञ्चालक वर्ष ४२ को समिम अंसारीरहेको खड्काले बताउनु भयो । उहाँका अनुसार बा.प्र ०२-०५४ प १४३१, इन्जिन नम्बर dhxprj38114,चेचिस नं ःmd2a11cz4ewe25627 र बा ८० प ९५१ नम्बरको इन्जिन नम्बर dhzwg37224, चेचिस नं md2a11cz4gwg32286 अन्य मोटर साइकलको विभिन्न पार्टपुर्जाहरू समेत बरामद गरिएको बताउनुभयो ।
यस्तै मकवानपुर प्रहरीले सय एम्पुल लागु औषध डाईजेपाम सहित एक जना मानिस पक्राउ गरिएको पनि खडकाले बताउनु भयो ।

आइतबार अपराह्न ४ बजेको समयमा प्रहरी चौकी रातमाटे मकवानपुरबाट खटिएको प्रहरी टोलीले जिल्ला मकवानपुर हेटौडा उपमहानगरपालिका वडा नम्बर १५ स्थित रातमाटे चेकपोइन्ट अगाडी पुर्व पश्चिम लोक मार्ग सडक खण्डमा वीरगन्ज तर्फबाट चितवन तर्फ जान आउँदै गरेको ना ७ ख ११६ नम्बरको यात्रुबहाक बसलाई रोकी चेकजाँच गर्ने क्रममा लागु औषध डाईजेपाम २८ एम्पुल, फेनार्गन ५९ एम्पुल र नुफिन १३ एम्पुल गरि जम्मा १०० एम्पुल पक्राउ सँगै मकवानपुर बकैया गाउँपालिका वडा नम्बर ४ छतिवन बस्ने वर्ष २४ को नवीन सुनारलाई नियन्त्रणमा लिएको खडकाले बताउनु भयो ।

प्रकाशित मिति: सोमबार, फागुन १२, २०८१ १६:४०

#मकवानपुर प्रहरी

प्रतिक्रिया दिनुहोस्