पुष्प र सहाराको ‘सर्माइ भागेर’ सार्वजनिक

कला/साहित्य

गृहपृष्ठ
कला/साहित्य

पुष्प र सहाराको ‘सर्माइ भागेर’ सार्वजनिक

सिधाखबर सोमबार, फागुन १९, २०८१

काठमाडौँ / चलचित्र ’दर्पण छायाँ २’ मा देखिएका अभिनेता पुष्प खड्का र अभिनेत्री सहारा कार्कीको जोडी पुनः एक पटक म्युजिक भिडिओमा देखिएका छन् । गायक भुवन श्रेष्ठ र मेलिना राईको स्वर रहेको गीत ‘सर्माइ भागेर’ को म्युजिक भिडिओमा यो जोडीलाई निर्देशक फिरोज तिमिल्सेनाले एकसाथ प्रस्तुत गरेका हुन् । सोमबार काठमाडौँमा गीतको म्युजिक भिडियो सार्वजनिक गरिएको हो ।

कुलेखानी र आसपासका रमणीय दृश्यमा छायांकन गरिएको गीतमा अभिनेता पुष्प खड्का, अभिनेत्री सहारा कार्की, गीता अधिकारी लगायतका कलाकारले अभिनय गरेका छन् । अभिनेत्री कार्कीले अभिनयलाई म्युजिक भिडिओ र चलचित्र मार्फत निरन्तरता दिने बताइन ।

भिडिओमा अर्जुन तिवारीले छायांकन, विकास दाहालको सम्पादन, राजेन्द्र मोक्तानको रङग संयोजन, ज्योति केसीको शृंगार रहेको छ । गीत सार्वजनिक गर्न आयोजना गरिएको पत्रकार सम्मेलनमा निर्देशक नवल नेपाल, गायक सनुप पौडेल, र्यपार हाकिम गुरुङ, प्रोजेक्ट हेड कुवेर डंगोल लगायतको उपस्थित रहेको थियो ।

प्रकाशित मिति: सोमबार, फागुन १९, २०८१ १५:१५

प्रतिक्रिया दिनुहोस्