पत्रकारहरुलाई खोजमुलक समाचार लेख्न मुख्यमन्त्री लामाको आग्रह

समाचार

गृहपृष्ठ
समाचार

अन्तरक्रिया पत्रकारहरुलाई खोजमुलक समाचार लेख्न मुख्यमन्त्री लामाको आग्रह

सिधाखबर मंगलबार, फागुन २०, २०८१

हेटौंडा \ नेपाल पत्रकार महासंघ बागमती प्रदेश समितिको आयोजनामा पत्रकारहरुसंग अन्तरक्रिया कार्यक्रम आज हेटौंडामा भएको छ । कार्यक्रमका प्रमुख अतिथि रहेका बागमती प्रदेशका मुख्यमन्त्री बहादुर सिंह लामा तामाङले पत्रकारहरुले खोज र अनुसन्धान मुलक समाचारलाई प्राथमिकतामा राखेर कलम चलाउनु पर्ने बताए ।

अब पत्रकार टेक्नोलोजी सँग नजिकर रहेर काम गर्नुपर्ने उनले बताए । पत्रकार र प्रदेश सरकारको सम्बन्ध सुमधुर हुनुपर्ने बताउँदै कुनैपनि कामको नकारात्मक ढंगले भन्दा पनि सकारात्मक ढंगले काम गरिनुपर्ने बताए । कार्यक्रममा प्रदेशका आन्तरिक मामिला तथा कानून मन्त्रालयका सचिव पूर्ण बहादुर दर्जीले पत्रकार महासंघ र संघसंगठनहरुले काम गर्नका लागि नियम कडा नबनाएको बताए ।

कार्यक्रममा नेपाल पत्रकार महासंघ बागमती प्रदेशका निर्वतमान अध्यक्ष शिव देवकोटा, संस्थापक अध्यक्ष प्रताप विष्ट, पत्रकार महासंघ बागमती प्रदेशका उपाध्यक्ष हरि हुमागाईं, प्रेस चौतारी नेपाल बागमती प्रदेशका अध्यक्ष तिलकराम रिमाल, प्रेस युनियन बागमती प्रदेशका अध्यक्ष युवराज पुरी, प्रेस सेन्टर बागमती प्रदेशका अध्यक्ष धुव्र अधिकारी, फोनिज बागमती प्रदेशका अध्यक्ष युवराज श्रेष्ठ लगायतकाले आफ्ना भनाइहरु राखेका थिए । नेपाल पत्रकार महासंघ बागमती प्रदेशका अध्यक्ष कृष्ण सारु मगरको अध्यक्षतामा भएको कार्यक्रममा महासंघका महासचिव राधेश्याम खतिवडाले कार्यक्रम सञ्चालन गरेका थिए ।

प्रकाशित मिति: मंगलबार, फागुन २०, २०८१ १५:४०

प्रतिक्रिया दिनुहोस्