दसौँ राष्ट्रिय हेटौँडा भेट्रान्स कपको खेल तालिका सार्वजनिक

समाचार

गृहपृष्ठ
समाचार

हेटौँडा भेट्रान्स कप दसौँ राष्ट्रिय हेटौँडा भेट्रान्स कपको खेल तालिका सार्वजनिक

सिधाखबर मंगलबार, फागुन २०, २०८१

हेटौँडा / दसौँ राष्ट्रिय हेटौँडा भेट्रान्स कप ८ ए साइड रनिङ शिल्ड फुटबल प्रतियोगिताको खेल तालिका सार्वजनिक भएको छ । आगामी फागुन २२ गते देखी २६ गते सम्म हेटौडा ४ मा रहेको हुप्राचौर खेलमैदानमा हुने प्रतियोगितामा १५ वटा समूहले भाग लिएको क्लबका अध्यक्ष रमेश कुमार उप्रेतीले जानकारी गराउनु भयो । तालिका अनुसार २२ गतेको पहिलो खेल गत वर्षको विजेता टिम बानेश्वर फ्रेण्डसीप भेट्रान्स काठमाडौँ र वीरगन्ज सिटी बिच दिउसो २ बजे हुने छ भने दोस्रो खेल ३ बजे एबिसि भेट्रान्स पोखर र भुटनदेवी भेट्रान्स हेटौडा बिच हुने तालिका छ ।

यस्तै तेश्रो खेल बौद्ध भेट्रान्स र वीरगन्ज यूथ बिच हुनेछ । यस्तै फागुन २३ गते दोस्रो दिनको पहिलो खेल फ्रिडम फाईटर र चितवन भेट्रान्स बिच दिउसो १ बजे हुने छ भने दोस्रो खेल सिमरा भेट्रान्स र नागस्वती भेट्रान्स बिच दिउसो २ बजे हुने तालिका रहेको छ । सोही दिनको तेस्रो खेल बगर भाईखलक पोखर र एन.जे.जे. भिसि सिमरा बिच दिउसो ३ बजे र चौथो खेल किङकम भेट्रान्स र बुटवल भेट्रान्स बिच हुने तालिका रहेको छ ।

प्रतियोगिताको तेस्रो दिनबाट क्वाटर फाइनलका खेलहरु हुने तालिका रहेको छ । स्वास्थ्यका लागी खेलकुद भन्ने नाराका साथ गत वर्ष देखी ४५ वर्ष माथि उमेर समूहमा प्रतियोगिता आयोजना गर्दै आएको र यस वर्ष पनि ४५ वर्ष माथि उमेर समूह बिच प्रतियोगिता हुने उप्रेतीले बताउनु भयो । स्वास्थ्यका लागी खेलकुद भन्ने नाराका साथ आयोजना हुने भेट्रान्स प्रतियोगिताले पूर्व खेलाडीहरूको सम्बन्ध विस्तार र भाइचाराको सम्बन्ध प्रगाढ बनाउने क्लबका अध्यक्ष उप्रेतीले बताउनुभयो ।

प्रतियोगितामा मुख्य सहयोगीका रूपमा हेटौँडा उपमहानगरपालिका रहनेछ भने हेटौडा स्कुल अफ म्यानेजमेन्ट लगायत विभिन्न पालिकाहरू, वडा कार्यालयहरू, सङ्घ संस्था तथा समाजसेवी, फुटबल खेलप्रेमीहरुको साथ सहयोग रहने बताइएको छ । प्रतियोगितामा पहिलो हुने समूहले एक लाख ५० हजार ५ सय ५५ र दोस्रो हुने समूहले ७५ हजार ५ सय ५५ प्राप्त गर्नेछन् । यस्तै विधागत खेलाडीहरू सर्वश्रेष्ठ कोच,उत्कृष्ट फरवार्ड,उत्कृष्ट गोलकिपर,उत्कृष्ट डिफेन्स,उत्कृष्ट मिडफिल्डलाई जनही ५ हजार र म्यान अफ द सिरिज हुने खेलाडीलाई १० हजार पुरस्कार रहेको छ । यस अघिको नवौँ संस्करण बानेश्वर फ्रेण्डसीप भेट्रान्स क्लबले हात पारेको थियो ।

प्रकाशित मिति: मंगलबार, फागुन २०, २०८१ १९:०३

प्रतिक्रिया दिनुहोस्