विद्यालय पोशाक पाँच वर्ष परिवर्तन नगर्न आग्रह

समाचार

गृहपृष्ठ
समाचार

विद्यालय पोशाक पाँच वर्ष परिवर्तन नगर्न आग्रह

सिधाखबर बुधबार, वैशाख ३, २०८२

हेटौँडा \ हेटौँडा उपमहानगरपालिका क्षेत्रभित्रका सामुदायिक तथा निजी विद्यालयले अब एक पटक लागु गरेको पोसाकको रङ पाँच वर्षसम्म परिवर्तन गर्न नपाउने भएका छन् । हेटौंडाका कतिपय विद्यालयमा बसेंने विद्यालय पोसाकको परिवर्तन गर्दा अभिभावकलाई अनावश्यक आर्थिक भार बढ्न गएपछि विद्यालयमा पाँच वर्षसम्म पोसाकको रङ परिवर्तन गर्न नपाइने गरी हेटौंडा उपमहानगरपालिकाले निर्णय गरेको हो ।

६३ औँ कार्यपालिका बैठकले विद्यालयले लागु गरेको पोसाकको रङ एक पटक निर्धारण भएपछि कम्तीमा पाँच वर्षसम्म परिवर्तन गर्न नपाइने र सकभर नेपाली उत्पादनलाई जोड दिनुपर्ने निर्णय गरेको छ । उपमहानगरपालिकाका प्रवक्ता सविन न्यौपानेले बर्सेनि पोसाक परिवर्तनको समस्या निजी विद्यालयमा बढी पाइएको बताउनुभयो । पोसाक परिवर्तनले अभिभावकलाई अनावश्यक आर्थिक बोझ थपिएका कारण यस्तो निर्णयमा पुगेको जानकारी दिनुभयो ।

अङ्ग्रेजी माध्यमबाट पठनपाठन गर्ने सामुदायिक विद्यालयमा अङ्ग्रेजी भाषाका पाठ्यपुस्तक अध्यापन गर्दा सरकारी प्रकाशकबाट प्रकाशित पुस्तक मात्र लागु गर्न निर्देशन दिने कार्यपालिका बैठकले निर्णय गरेको छ। बैठकले सामुदायिक विद्यालयलाई सरकारी प्रकाशनको अङ्ग्रेजी पुस्तक मात्र लागु गर्न निर्देशन दिने निर्णय गरेको हो।

प्रकाशित मिति: बुधबार, वैशाख ३, २०८२ १०:३८

प्रतिक्रिया दिनुहोस्