पर्यटन व्यवसायी कुँवर कोषाध्यक्ष पदमा उम्मेदवार बन्दै

समाचार

गृहपृष्ठ
समाचार

पर्यटन व्यवसायी कुँवर कोषाध्यक्ष पदमा उम्मेदवार बन्दै

सिधाखबर बुधबार, जेठ ८, २०८२

मनहरी \ मनहरी गाउँपालिका वडा नम्बर ९ रजैयामा रहेको हरियाली सामूदायिक वन उपभोक्ता समूहको चुनावी सरगर्मी ह्वात्तै बढेको छ । यही जेष्ठ १० गते शनिबार हुन गइरहेको निर्वाचन कार्यक्रममा पर्यटन व्यवसायी राजेन्द्र कुँवरले कोषाध्यक्ष पदमा आफ्नो उम्मेदवारी दिएका छन् ।

संघीय राजधानी काठमाडौं ठमेलमा दुई दशक देखी पर्यटन, ट्राभल्स एण्ड टुर्सको क्षेत्रमा निरन्तर कार्य गर्दै आइरहेका छन् । पश्चिम ठमेल परिषद्को सहकोषाध्यक्ष रहेका कुँवर हेटौंडा २ कांग्रेसचोकमा हाइल्याण्ड एक्पोलर टुर्स एण्ड ट्राभल्स सञ्चालन गर्दै आइरहेका छन् । मनहरी रजैया निवासी कुँवर सामाजिक क्षेत्रमा समेत सक्रिय छन् । उनी रोटरी क्लब अफ भादगाउँमा आवद्ध रहेर सामाजिक कार्य गर्दै आइरहेका छन् ।

अनुभव र काम गर्ने जोशका साथ आफुले कोषाध्यक्ष पदमा उम्मेदवार दिएको कुँवरले बताए । म सँग अनुभव छ, वन क्षेत्रलाई पर्यटनसँग जोडेर थप टेवा पुग्ने हिसाबले काम गर्ने मन छ, उनले भने । उपभोक्ताहरुले मलाई पक्कै पनि मतदान गर्नेछन् भन्ने विश्वास लिएको छु ।

प्रकाशित मिति: बुधबार, जेठ ८, २०८२ ०९:४४

प्रतिक्रिया दिनुहोस्