अफगानिस्तानको आगो पोर्चुगलमा लोकार्पण

अन्तर्राष्ट्रिय

गृहपृष्ठ
अन्तर्राष्ट्रिय

अफगानिस्तानको आगो पोर्चुगलमा लोकार्पण

सिधाखबर सोमबार, जेठ १९, २०८२

लिस्वन,पोर्चुगल / रामप्रसाद पन्त (आरपी) द्वारा लिखित संस्मरणात्मक निबन्ध सङ्ग्रह अफगानिस्तानको आगो लोकार्पण भएको छ । पोर्चुगलका लागि नेपाली महामहिम राजदूत प्रकाशमणि पौडेलको प्रमुख आतिथ्यतामा अन्तर्राष्ट्रिय साहित्य समाज पोर्चुगलको आयोजनामा भएको कृतिमाथि अर्जुन श्रीले टिप्पणी गर्नु भएको थियो । आफुले अफगानिस्तानमा भोगेको भोगाइ नै पुस्तकको मुल लेखकीय रहेको लेखक रामप्रसाद पन्त (आरपी) ले मन्तव्यको क्रममा बताउनु भयो ।

कार्यक्रममा नेपाली राजदुतावास पोर्चुगलका द्दितिय सचिब रामबाबु नेपाल, एनआरएनए पोर्चुगलका अध्यक्ष दिपा काफ्ले, आइसिसी सदस्य राजकुमार थापा, नेपाल आदिवासी जनजाति महासंघ पोर्चुगल अध्यक्ष चोपकुमार मगर, नोबेल साकोस साहित्य संस्थाको संस्थापक अध्यक्ष सरस्वती गौतम, नेपाल पत्रकार महासंघ युरोपका उपमहासचिव कलश खरेल लगायतले शुभकामना राख्नु भएको थियो ।

प्रवासमा भोगेको पीडालाई पुस्तकको रुपमा ल्याउनु महत्वपूर्ण रहेको भन्दै प्रमुख अतिथि पौडेलले लेखकलाई धन्यवाद दिदै यति राम्रो कार्यक्रम आयोजना गरेकोमा आयोजकलाई समेत धन्यवाद दिनुभयो । अध्यक्ष सवी श्रेष्ठले कार्यक्रममा उपस्थित सम्पूर्णलाई धन्यवाद ज्ञापन गर्नुभएको थियो भने कार्यक्रमको संचालन अनेसास पोर्चुगलका महासचिव एन बी अन्जानले गर्नु भएको थियो ।

प्रकाशित मिति: सोमबार, जेठ १९, २०८२ १६:१२

#अफगानिस्तानको आगो

प्रतिक्रिया दिनुहोस्