न्युरेनीका सुवेदीलाई ह्वीलचेयर हस्तान्तरण

समाचार

गृहपृष्ठ
समाचार

न्युरेनीका सुवेदीलाई ह्वीलचेयर हस्तान्तरण

सिधाखबर बुधबार, कात्तिक २६, २०८२

हेटौंडा \ लायन्स क्लब अफ हेटौंडा भुटनदेवीले मंगलबार हेटौंडा–१० न्युरेनी निवासी ३१ वर्षीय प्रजय सुवेदीलाई ह्वीलचेयर वितरण गरेको छ। सुवेदीलाई करिब ९ हजार ५ सय रुपैयाँ बराबरको ह्वीलचेयर प्रदान गरिएको हो । लायन गायत्री श्रेष्ठले आफ्नो व्यक्तिगत खर्चमा उक्त ह्वीलचेयर प्रदान गरिएको हो।

२०७२ सालको विनाशकारी भूकम्पमा परेर चारवटै हात र खुट्टा नचल्ने अवस्था (पूर्ण पक्षघात) भएका सुवेदीले पुरानो सीएमसी मेडिकल कलेजमा साढे ३ महिना उपचार गराएका थिए। त्यसपछि उनले बनेपास्थित एचआईआरएलमा करिब छ महिनासम्म थेरापी लिएका थिए।

उनका बुबा राजु सुवेदी मयुरी चालक हुन् । उनको घरमा आमा रचना सुवेदी र बहिनी प्रकृति सुवेदी गरी चार जनाको परिवार रहेको छ। सुवेदी परिवार हेटौंडामा ३२ वर्षदेखि बसोबास गर्दै आएको छ । तर घरको लालपुर्जा जग्गाको स्वामित्व प्रमाण) नहरेको उनले बताए । उनले हेटौंडा उपमहानगरपालिकाबाट मासिक ४ हजार रुपैयाँको अपांगता भत्ता पाउँदै आइरहेका छन्।

सुवेदीले पहिलो पटक यस सहयोग प्राप्त गरेका हुन्। ह्वीलचेयर प्रदान समाजमा अपाङ्गता भएका व्यक्तिहरूको जीवन सहज बनाउन सानो सहयोग भए पनि ठूलो प्रभाव पार्ने उद्देश्यले प्रदान गरिएको गायत्री श्रेष्ठले बताईन् । ह्वीलचेयर प्रदान कार्यक्रम लायन रीता वाइबाको अध्यक्षतामा भएको थियो।

प्रकाशित मिति: बुधबार, कात्तिक २६, २०८२ १३:२४

प्रतिक्रिया दिनुहोस्