म्यान मकवानपुरको साधारणसभा, वरिष्ठ उपाध्यक्षमा त्रिपाठी विजयी

समाचार

गृहपृष्ठ
समाचार

म्यान मकवानपुरको साधारणसभा, वरिष्ठ उपाध्यक्षमा त्रिपाठी विजयी

सिधाखबर शनिबार, पुस २६, २०८२

हेटौंडा \ मोवाईल एशोसियसन अफ नेपाल(म्यान) मकवानपुरको १४औं वार्षिक साधारणसभा शनिवार भएको छ । एशोसियसनका अध्यक्ष हरिप्रसाद न्यौपाने
को सभाध्यक्षता तथा नेपाल मोवाइल व्यवसायी महासङ्घका केन्द्रीय अध्यक्ष भरत भट्टराईको प्रमुख आतिथ्यतामा सभा भएको थियोे ।

एशोसियसनका वरिष्ठ उपाध्यक्ष राजकुमार दाहालले राजिनामा दिएपछि रिक्त रहेको उक्त पदमा सभाकै अवसरमा निर्वाचन समेत भएको थियो । निर्वाचनमा कुमारमणि त्रिपाठीले ४५ मत प्राप्त गर्दै निर्वाचित भएको निर्वाचन आयुक्त नवराज चौलागाइले बताए । उनले अर्का उम्मेदवार विज्ञान घिमिरेलाई पराजित गर्दै विजयी भएका हुन् । घिमिरेले ३६ मत प्राप्त गरेका थिए । उनी म्यान मकवानपुरको संस्थापक सचिव समेत हुन् । निर्वाचन कार्यक्रममा ८२ मत खसेको थियो । जसमा १ मत बदर भएको चौलागाइले बताए । त्यस्तै रिक्त रहेको सदस्य पदमा भने जर्नादन न्यौपाने सर्व सम्मत चयन भएका छन् । दुवै जनालाई निर्वाचन आयुक्त चौलागाईले सपथ खुवाएका थिए ।

सभामा मकवानपुर उद्योग वाणिज्य सङ्घका उपाध्यक्ष राजु अधिकारी, महासङघका उपाध्यक्ष एंव म्यानका संस्थापक अध्यक्ष छतेन्द्र आचार्य, चितवन मोवाईल व्यवसायी सङ्घका अध्यक्ष श्रीधर रेग्मी, नेपाल पत्रकार महासङ्घका अध्यक्ष बालकृष्ण अधिकारी, म्यानका पुर्व अध्यक्ष दिनेश लामा, पश्चिमी शाखा अध्यक्ष रुद्रबहादुर मुक्तान लगायतले आफ्नो भनाइ राखेका थिए ।

सभामा महासङ्घ बागमती प्रदेश कोषाध्यक्ष रतन भट्ट, म्यान मकवानपुर निवर्तमान अध्यक्ष नवराज चौलागाइलगायतको आतिथ्यता रहेको थियो । सभामा प्रस्तुत गरिएको प्रगति प्रतिवेदन, आर्थिक प्रतिवेदन सर्वसम्मत पास गरिएको थियो ।

प्रकाशित मिति: शनिबार, पुस २६, २०८२ १७:३२

प्रतिक्रिया दिनुहोस्