विश्वका १२ सय हलमा एकसाथ प्रदर्शनमा आयाे चलचित्र प्रेमगीत-३

चलचित्र/मनोरञ्जन

गृहपृष्ठ
चलचित्र/मनोरञ्जन

विश्वका १२ सय हलमा एकसाथ प्रदर्शनमा आयाे चलचित्र प्रेमगीत-३

सिधाखबर शुक्रबार, असोज ७, २०७९

आजदेखि बहुप्रतिक्षित चलचित्र प्रेमगीत-३ प्रदर्शनमा आएकाे छ। याे चलचित्र नेपाललगायत विश्वका १ हजार २ सय हलमा एकसाथ प्रदर्शनमा आएकाे हाे। तर, ‘प्रेमगीत ३’ को हिन्दी संस्करण भने प्राविधिक कारण जनाउँदै आज नेपालमा भने रिलिज भएन।

नेपालसहित भारत, अमेरिका, अस्ट्रेलिया, जापानलगायत विभिन्न देशका १ हजार २ सयभन्दा बढी सिनेमा हलमा याे चलचित्र एकैसाथ प्रदर्शनमा आएको छ । छेतेन गुरुङ र सन्तोष सेनले निर्देशन गरेको चलचित्रमा नायक प्रदीप खड्का, नायिका कृष्टिना गुरुङ र सुनिला थापाको मुख्य भूमिका रहेको छ ।

चलचित्रको हिन्दी संस्करणलाई लिएर विवादसमेत भएको थियो । जसका कारण सञ्चार तथा सूचना प्रविधि मन्त्रालयले प्रेमगीत-३ को हिन्दी संस्करणलाई पनि नेपाली चलचित्रकै मान्यता दिनु परेको थियो ।

यस्तै जेम्स क्यामरुनकाे निर्देशनमा रहेकाे हलिउड चलचित्र ‘अवतार’ पनि प्रदर्शनमा आएकाे छ । याे चलचित्रले नेपालमा थ्रीडी प्रविधिको सुरुवात गरेको थियो । अवतारको दोस्रो शृङ्खला ‘अवतार : द वे अफ वाटर’ आउँदाे पुस १ गते विश्वभर रिलिज हुँदैछ । यसैको पहिलो भाग एक हप्ताका लागि नेपालमा पनि प्रदर्शन गरिएको हो । चलचित्रले नयाँ पुस्तालाई ‘रिकल’ गर्ने जनाइएको छ ।

अहिले नेपाली चलचित्र ऐना झ्यालको पुतली, झिङ्गेदाउ र बलिउड चलचित्र ब्रह्मास्त्र पनि प्रदर्शन भइरहेका छन् ।

प्रकाशित मिति: शुक्रबार, असोज ७, २०७९ १५:५१

प्रतिक्रिया दिनुहोस्